اردبیل خالچالاری آذربایجان خالچاچی‌لیق مکتبلرین‌دن اولان تبریز خالچاچی‌لیق مکتبینین اردبیل قروپونا عایید خوولو خالچالاردیر.

کولت. آذ خبر وئریر کی، اردبیل اؤزونون خالی، خالچا، ایپک و س. محصوللاری ایله شؤهرت قازانیب.

آنجاق اردبیل‌ده توخونان خالچا و پالازلار دیگر ساحه‌لری چوخ آرخادا قویوب. آذربایجان خالچاچیلیغین‌دا اؤزونمخصوص یئره مالیک اولان اردبیل خالچالارینین تاریخی زنگین و قدیم‌دیر.

بورادا توخونان خالچالار "اردبیل خالچالاری" آدلانیردی، لاکین ۱۶-جی – ۱۷-جی عصرلردن باشلایاراق ایری نباتی ناخیشلارین اینکیشافی و چوخ سای‌دا یئنی خالچا کومپوزیسییالارینین عمله گلمه‌سی ایله اردبیل خالچالاری "آغاجلی خالچالاری"، "لچک تورونج خالچالاری، "شیخ صفی"، «شاه عباسی خالچالاری»، افشان خالچالاری آدی ایله ایستحصال اولونماغا باشلاییر.

اردبیل و اونون اطراف کندلری هله قدیم دؤورلردن رنگ‌لی، الوان پارچالارین، طبیعی ایپلیکدن حاضرلانان گئییملرین، خووسوز و خوولو خالچالارین ایستحصال مرکزی اولوب. اردبیل‌ده یوکسک صنعتکارلیغا نایل اولموش و اونون بدیعی عنعنه‌لرینی داوام ائتدیره‌ن، خالچا ایشینین گؤرکملی، ایستعدادلی اوستادلارینی تورکییه، افغانیستان، هیندیستان کیمی اؤلکه‌لره ایشه دعوت ائدیردیلر.

اساساً اردبیل‌دن، تبریزدن و کاشان‌دان گلمه اوستالار هیندیستانا کؤچوب، اورادا ایران – هیند خالچاچیلیغینین یئنی مکتبینی یارادیرلار.
اردبیل‌ده و اونون اطرافلارین‌دا (نامین، آغبولاق، میریش، میر، آستارا و باشقالاری) موختلیف کئیفیت‌ده، موختلیف نؤوده و سیخلیق‌دا خالچالار توخویورلار. کیچیک اؤلچولو نامازلیق خالچالارین (۱۰۰*۱۵۰سانتیمتر) اساس ایستحصال مرکزی اردبیل اولوب. خالچاچی‌لیق منطقه‌لرین‌ده ایستحصال اولونان نامازلیقلارین اورتا ساحه‌سینین ناخیشلاری دینی کاراکترلی اورنامنتال اوصلوبلاشدیریلمیش یازیلاردان عبارت اولاردی. تاغین فورماسی چوخ واخت مورککب کونتورلو رسمله ایفاده اولونور. بونلار قوران آی‌لرین‌دن و دعالاردان ستیرلردیر. بو یازیلار مؤمنلر اوچون مقدس اولوب، ناماز قیلما مراسی‌می ایله علاقداردیر. مقدس ستیرلر، بیر قای‌دا اولاراق، خالچانین یوخاری حیصه‌سین‌ده یئرلشدیریلیر. نامازلیقلار، عادتا، محرابلا (تاغلا – لچکله) اولور.

"اردبیل خالچالاری" موختلیف کیفیت‌ده، موختلیف نؤعده توخوندوغون‌دان بو خالچالارین اؤلچولری، هر کوادرات دسیمترده و ائلجه ده هر کوادرات مترده وورولان ایلمه‌لرین سیخلیغی، همچینین بو خالچالارین خووونون اوزونلوغو موختلیف اؤلچولرده‌دیر.