ویتنامین پایتختی هانوی‌دا اکستریری و اینتریری ۲۴ کاراتلیق قیزیللا اؤرتولموش ۵ اولدوزلو هتل اینشا ائدیلیب.

آخار. آذ خبر وئریر کی، بو باره‌ده «ویتنام اینسیدر» خبر یاییب.

«دولجه هانوی گولدن لاک» آدلانان هتلین اینشاسینا ۲۰۰۹-جو ایلده‌ن باشلانیلیب، آنجاق هتل تزه‌لیکجه – باییر دیوارلارا زرگرلیک تطبیق ائدیلدیی زامان یول‌دان کئچه‌نلرین دقتینی جلب ائتمه‌یه باشلاییب. هتل ایلک قوناقلارینی ایونون ۱-ده قبول ائدیب.

«هانوی گولدن لاک» هتللر شبکه‌سینین رسمی سایتی قوناقلارا «کراللارا خاص دبدبه» وعد ائدیر. «دولج»نین وستیبولونون، مبل‌لارینین، ال-اوز یوما یئرینین، واننالارین، همچینین، بیر سیرا بزک اشیالاری و آکسئسوارلارین قیزیلا بویاندیغی بیلدیریلیر.

«هوا بین گرووپ»اون معلوماتینا گؤره، بو، خاریجی و داخیلی ۲۴ کاراتلیق قیزیللا اؤرتولموش ایلک هتل‌دیر. آنجاق بو جور دبدبه‌نی اؤزونه روا گؤره‌ن ایلک هتل دئییل. بئله کی، دوبایین «برج العرب» هتلین‌ده لیفت ۲۲ کاراتلیق قیزیللا اؤرتولوب. «ترامپ اینترناشنال هتل لاس وگاس» قیزیل اؤرتوکلو پنجره‌لره مخصوص‌دور. بیرلشمیش عرب امیرلیکلرینین «امیراتس پالاس» هتلینین ایسه دیوارلاری و تاوانی قیزیل‌دان‌دیر.

ویتنام مطبوعاتی بیلدیریر کی، «دولجه»ده بیر گئجه‌نین قیمتی ۲۵۰ دلاردان باشلاییر.