قازاخیستان پرزیدنتی نورسلطان نازاربایئوین سلاحیتلرینی پارلامئنتله بؤلوشمک قرارینین بیر نئچه سببی وار.

آخار. آذ خبر وئریر کی، بو سؤزلری پولیتولوگ الخان شاهین اوغلو اؤزونون فیسبوک صحیفه‌سین‌ده یازیب.

پولیتولوگ بیرینجی سبب کیمی نازاربایئوین یاشینی قید ائدیب:

«قازاخیستان پرزیدنت اس اس ار ای دؤوروندن اؤلکه‌سینین لیدری‌دیر. ایندی او ائله بیر یاش حدینه چاتیب کی، اؤلکه‌سینین گلجیینی دوشونمک مجبوریتینده‌دیر. نازاربایئو «مندن سونرا بو شخص اولاجاق» سیاستینه اوستونلوک وئرمیر، اونون واریثله باغلی قراری یوخدور، بلکه ده هئچ اولمایاجاق. قازاخیستان حاکمیتین‌ده بیر-بیریله رقابت آپاران ان آزی ۳ قروپلاشما وار. بو قروپلاشمالاردا نازاربایئوین بیر نئچه عائله عضوو ده ایشتیراک ائدیر. آنجاق نازاربایئو بو قروپلاشمالاردان هئچ بیرینه اوستونلوک وئرمیر. چونکی هر هانسی بیرینه اوستونلوک وئرسه، دیگر قروپلاشمالارلا داخیلی چکیشمه باشلایاجاق کی، بو حاضردا ثابیتلیینی قورویان قازاخیستانا هم داخیلدن، هم ده خاریجدن جدی تهلوکلر یاراداجاق».

شاهین اوغلو قید ائدیب کی، نازاربایئوین روسییا ایله موتتفیق‌لیگی ایستراتئژی سئچیم دئییل و قازاخیستان پرئزیدئنتی ده اؤلکه‌سی اوچون ان بؤیوک تهلوکه‌نین ائله قونشوسو روسییادان گلدیینی بیلیر:

«قازاخیستان اهالی‌سینین ۴۰ فایزی روسدیللی‌دیر و بعضا شیمال بؤلگه‌لرین‌ده سپاراتچی شعارلار سسلنیر. نازاربایئو خاریجی سیاست‌ده روسییا ایله یاخینلیق عوضینه باشقا وکتورا اوستونلوک وئرسیدی، کرمل گرجستان و اوکراینانی پارچالادیغی کیمی قازاخیستانا دا انجام چکجک‌دی. آنجاق نازاربایئو کرئمله هئچ بیر بهانه وئرمه‌ییب، عکسینه، آوراسییا اقتصادی بیرلیینین و کوللکتیو تهلوکه‌سیزلیک مقاویله‌سی تشکیلاتینین عضوودور. روسییا پرزیدنتی ولادیمیر پوتین چیخیشلارینین بیرین‌ده سؤیلمیشدی کی، نازاربایئو اولماسایدی، قازاخیستان دا اولمایاجاقدی. بو فیکیر باشدا نازاربایئو اولماقلا قازاخیستانین سیاسی دایره‌لرین‌ده گیزلی ناراضیلیق دوغورموشدو. پوتین بونونلا آستانایا مساژ یوللامیشدی کی، فرقلی سیاسته اوستونلوک وئرسز، سیزی ده اوکراینانین تالعیی گؤزله‌یه‌جک. اونا گؤره ده نازاربایئو پارلامنتله صلاحیت بؤلگوسونه گئتسه ده، خاریجی سیاست و تهلوکه‌سیزلیک مسئله‌لرینه اؤزو مسئول اولاجاق».

پولیتولوگون فیکرینجه، نازاربایئوین صلاحیتلرینی پارلامئنتله بؤلوشمه‌سینین ایکینجی سببی قازاخیستان‌داکی اقتصادی وضعیت‌دیر:

«نفت بومو ایللرین‌ده صلاحیت بؤلگوسو نازاربایئوین آغلینا گلمیردی، پول چوخ اولدوغوندان، او، اقتصادی و سوسیال مسئله‌لری آسانلیقلا حل ائدیردی، هله اوسته‌لیک پایتاختین کؤچورولمه‌سی کیمی بؤیوک مالییه طلب ائد‌ن لاییحه‌نین رئاللاشدیریلماسینا یاشیل ایشیق یاندیرمیشدی. ایندی همین پوللار یوخدور، نفت گلیرلری کسکین آزالیب، میللی پول واحیدی دیردن دوشور. نازاربایئو بو یوکو داشیماق اقتداریندا دئییل. اقتصادی و سوسیال وضعیتین آغیرلیغینا گؤره پرزیدنت هدف گؤتورولور، چونکی بو ساحه‌لر اونون صلاحیتین‌ده‌دیر. آنجاق پرزیدنت بو ساحه‌لری باش ناظره اؤتورسه، اقتصادیات‌داکی پروبلملره گؤره پرزیدنت گوناهلاندیریلمایاجاق. اونا گؤره ده نازاربایئو اقتصادیاتی و سوسیال مسئله‌لری باش ناظره یوکله‌مک ایستییر. پارلامنت سئچکی‌سین‌ده قلبه چالان پارتییا و اونون لیدری ناظیرلر کابینتینین فورمالاشدیرماق صلاحیتی قازاناجاق، داها اوولکی کیمی پرزیدنت ایستدیی شخصی باش ناظر تعیین ائتمه‌یه‌جک. بو صلاحیت پارلامنت چوخلوغونا حواله ائدیله‌جک. منطیقله بو، قازاخیستان‌دا پارتیالارآراسی و ایدئیا رقابتینه ده ایمپولس وئرملی‌دیر. آنجاق یگانه شرط پارلامنت سئچکی‌سینین عدالتلی و شفاف کئچیریلمه‌سی‌دیر کی، نتیجه هئچ کیمده شوبهه دوغورماسین. بئله‌لیکله، آذربایجانین داها بیر یاخین قونشوسو پارلامنت اصول-ایداره‌سینه اوستونلوک وئردی. بوندان اول گرجستان، داها سونرا ایسه ارمنیستان کونستیتوسییا دییشیک لیکلرینه گئده‌رک پارلامنت اصول-ایداره‌سینه اوستونلوک وئردی».