ارمنیستان حاکمیتی اوردویا «قاراباغ رسپوبلیکاسی» ایفاده‌سینی قاداغان ائتمه‌سینین آردیندان داها بیر سنساسیون قرار قبول ائدیب.

Axar.az خبر وئریر کی، حکومت دونن یئرلی ایداره‌ائتمه اورگانلارینا خصوصی تاپشیریق گؤندریب.

تاپشیریغا اساساً، ارمنیستانین دؤولتلرآراسی علاقه‌لر اوچون ایستیفاده ائدیلن یوللاریندا خاچ ایشاره‌لری، ائلجه ده خاچکارلارین سؤکولمه‌سی امر ائدیلیب.

معلوماتا گؤره، امر ارمنیستانین اراضی ایداره‌ائتمه‌سی و اینفراستروکتور ناظری قنل سانوسیاندان داخیل اولوب.

سؤزوگئدن تاپشیریغین هانسی مقصدله گؤندریلدیی قارانلیق قالیب. لاکین گومان ائدیلیر کی، بو قرار داها چوخ تورکلر و آذربایجانلیلارلا باریشیق، ائلجه ده یوللارین آچیلماسی ایله باغلی گؤتوروله‌ن عهده‌لیکلر قارشیلیغیندا قبول ائدیلیب:

«نیکول پاشینیان، یقین کی، ارمنیستانا آزاد گیریش-چیخیش وعدینی وئریب و اونلاری یوللاردا آرزوولونماز ارمنی-خریستیان سیمووللارینین قارشیلامایاجاغی عهده‌لیگی گؤتوروب».

ارمنیستان مطبوعاتینین یازدیغینا اینانساق، ایروانین بو آددیما داها چوخ زنگزوردا گئتدیینی احتیمال ائده بیلریک. بو دا زنگزور دهلیزینین آچیلماسی ایله باغلی ایروانین آرتیق معین قرارلار قبول ائتمک احتیمالینی آرتیریر. ان آزیندان سونرا هفته‌ده باکیدان وئریله‌ن بیاناتلار، ائلجه ده روسییا پرزیدنتینین بؤلگه لیدرلرینه زنگی بو تخمینی حقیقته یاخین ائدیر.