مشهور "ترانسفرمارکت" سایتی اوکتیابرین ۳-ده ائو اویونلارین‌دا ان چوخ آزارکئش توپلایان کلوبلارین ریتینگ جدولینی یاییب.

آخار. آذ خبر وئریر کی، دونیا اوزره حساب‌لانان ریتینگه گؤره گونئی آذربایجانین "تراختور" کلوبو ۵-جی یئرده‌دیر. کلوب "رئال" و "آرسنال" کیمی دونیا شهرتلی کلوبلاری گئریده قویوب.

"تراکتور"اون ائو اویونلارینا - اورتا حسابلا ۶۶ مین ۸۳۳ آزارکئش گلیر. ایلک "۴-لوی"او دورتموند "بوروسییا"سی (۸۱ مین ۳۶۸)، "بارسلونا" (۷۷ مین ۰۳۱)، "بایئرن مونهون" (۷۵ مین) و "مانچستر یونایتد" (۷۳ مین ۴۳۲) توتور.

رئیتینق جدولین‌ده کوماندالارین بوتون آزارکشلری دئییل، یالنیز اویون زامانی ایستادیونلارا توپلاشان آزارکئشلرین سایی نظرده توتولوب.

«تراختور» ۲۰۰۶-جی ایلده آسییا کوماندالاری آراسین‌دا ان چوخ آزارکئشی اولان کلوب اولوب.