آذربایجان‌دا یئنی فوتبول کلوبو فعالیته باشلاییب.

آپا-نین معلوماتینا گؤره، یئنی کلوب "خوجالی" آدلاناجاق.

بونونلا باغلی کلوبون، ختای رایون ایجرا حاکمیتینین نماینده‌لری و فوتبول متخصصلری بیرگه "آنا هارایی" عابده‌سینی زیارت ائدیبلر.

«خوجالی»نین تاسیس‌چی‌سی ایلکین حاجییئو بیلدیریب کی، کلوب فعالیتینه اوشاق فوتبولوندان باشلاییر: "کلوبو یاراتماق‌دا مقصدیمیز اوشاق فوتبولونون اینکیشافینا تکان وئرمکدیر. آرتیق ۶-۱۲ یاشلارین‌دا اوشاقلار مشقلره باشلاییب. گله‌جک‌ده ایسه ۱۹ یاش‌لیلار آراسین‌دا آذربایجان چئمپیونو اولوب، اوئفا گنجلر لیگاسین‌دا "خوجالی" آدینی لاییقینجه قوروماق‌دیر. کلوب حاضردا ماسازیرداکی ایستادیون‌دا مشق ائدیر».