آنا صحیفه ایدمان |
گونئی آذربایجان ایالتلرینه حاکم کسیلهن اقتصادی گرگینلیک گوجلو یئرلی ایدمان کوماندالارینی آردیجیل سیرادان چیخاریر.
آخار. آذ-این معلوماتینا گؤره، همدان ایالتینی بسکئتبال اوزره ایران چئمپیوناتینین ۱-جی دستهسینین یاریشلاریندا تمثیل ائدن یئگانه کوماندا مالییه سیخینتیلاریندان دولایی یاریشلارینی داوام ائتدیرمک اقتداریندا دئییل.
بو بارهده اسداباد شهر ایجرا حاکمیتینین باشچیسی مجید درویشی دانیشیب.
«اسداباد کومانداسی همدان ایالتینی ایران چئمپیوناتی ۱-جی دستهسینین یاریشلاریندا تمثیل ائدن یئگانه کوماندادیر. بو کوماندا یاریشلاردا ایشتیراک ائتمک اوچون جدی مالییه سیخینتیلاری ایله اوزلشیب.
ایدمان جمعیتلرین اجتماعی اینکیشافینی گؤستردیی اوچون چوخ اؤنملی مسئلهدیر. اونون اوچون ده کوماندالارا یاردیم ائدیلمهلیدیر. بو کوماندا اؤز وسایتی حسابینا فعالیت گؤستریر، لاکین مسئوللار همدان تمثیلچیسینین آیاقدا قالماسی اوچون یاردیم گؤسترمهلیدیر.»- دئیه او بیلدیریب.
تاریخ
2019.12.26 / 20:06
|
مولف
Axar.az
|