ائلیار پولاد ۱۹۶۰-جی ایلده گونئی آذربایجانین خیاو شهرینین بیجه کندین‌ده آنادان اولوب. ایندی موغان شهرین‌ده یاشاییر. کیچیک حکایه‌لری «خودافرین» و «آذری" درگیلرین‌ده چاپ ائدیلیب. ایران‌دا نشر اولوانان کیتابلاردان عاقیل عابباسین «دولو»، همید محمدزادنین «فوتبول‌چو» اثرلرینی اسکی الیفبایا ائلیار پولاد چئویریب.

شاعر-یازی‌چی ائلیار پولادین آخار. آز-آ موصاحیبه‌سینی تقدیم ائدیریک:

- ائلیار بی، سون زامانلار یارادیجیلیغینیز نه یئرده‌دیر؟

- اؤزومو پروفسیونال یازی‌چی حساب ائتمیرم. ساده‌جه، ماراق‌لانیرام. حکایه و کیچیک سربست شعرلر یازیرام.

- اوخوجولارینیزلا علاقه ساخلاییرسینیز؟

- اوخوجولار دئیه‌ن‌ده کی، ویرتوال دونیامیزلا علاقه‌ده اولدوغوم اینسانلار وار. تهران شهرین‌ده بوراخیلان «آذری» درگی‌سی و «ایشیق» سایتی ایله یازیلاریم اوخوجولارین ایختیارینا وئریلیر.

- گونی‌لی اوخوجولار اورادا یارانان ادبیاتا نه درجه‌ده ماراق گؤستریرلر؟

- تأسفله دئمه‌لییه‌م کی، ویرتوال دونیامیزین اوخوجو کوتله‌سینین کیتاب‌دان اوزاقلاشماسین‌دا بؤیوک رولو وار. کیتابا ماراق آزالیب. گنجلریمیز واختینین چوخونو تلگرام و سایره سوسیال شبکه‌لرده کئچیردیین‌دن کیتاب اوخوماغا واختلاری چاتمیر. بو دا اونلارین اینکیشاف ائتمه‌سینه انگل تؤره‌دیر.

- آذربایجان‌دا گونئی ادبیاتینا ماراق وار و بونا بوتؤو ادبیاتیمیزین ترکیب حیسه‌سی کیمی باخیلیر. بس گونئی‌لیلر بیزیم ادبیاتا نئجه مناسیبت بسلییر؟

- منجه، گونئی ادبیاتی آذربایجان ادبیاتیندان تأثیرلنیر. اؤزوم اورادا چاپ ائدیلن کیتابلاری یئرلی الیفبایا چئویریب بورادا نشره وئریرم. ایندییه قدر بیر سیرا سانبال‌لی رومانلار بورادا نشر ائدیلیب. ایسماییل شیخلینین «دلی کور»، «اؤلن دونیام»، «اؤلولری قبیریستان‌دا باسدیرین»، قوربان سعیدین «علی و نینو»، فرمان کریمزادنین «خودآفرین کؤرپوسو»، آنارین «دانتئنین یوبیلئیی»، عاقیل عبباسین «دولو»، اکرم ایلیسلینین « تنها نارین ناغیلی»، حمید محمدزادنین «فوتبول‌چو»، مؤولود سلیمانلینین «کؤچ»، آفاق مسعودون «سو ایتی»، عیسی حسینووون «دوغما و یاد آداملار»، کمال عبدالله ین «سحربازلار دره‌سی» و س. اثرلر موختلیف کؤچورمه‌لر طرفین‌دن یاییملانیب. منجه، آذربایجان ادبیاتی گونئی ادبیاتینین اینکیشاف ائتمه‌سین‌ده بؤیوک رول اویناییر. بورداکی یازارلار اورادا گئدن ادبی پروسئسلری ماراقلا ایزلییر و ادبی یارادیجی‌لیقلارین‌دا اونلاردان فایدالانیرلار.