امیر تئیمورون اوردوسو بؤیوک ساواشلارا ۵۰۰ مین سوواری، ۱،۵ میلیون آتلا گئدیردی. سیزجه، نیه آتلارین سایی دؤیوش‌چولرین سایین‌دان ۳ دفعه چوخ ایدی؟ چونکی بؤیوک ساواشلاردا ایلدیریمسورت‌لی هوجوم اوچون هر دؤیوش‌چو بیر آتدان دئییل، اوچ آتدان ایستیفاده ائدیردی.

کولت. آز خبر وئریر کی، بو سؤزلری تانینمیش تاریخ‌چی گونتای گنجالپ یازیب. او، امیر تئیمورلا باغلی ماراق‌لی معلوماتلاری بؤلوشوب:

«آتلاردان بیری دؤیوشچونون و آتلارین قیدا احتیاطینی داشیییردی. اوچونجو آت ایسه بوش قاچیردی. دؤیوشچونون آتی یورولان‌دا، او، واخت ایتیرمه‌دن بوش اولان آتین بئلینه مینیردی. یورغون آت ایسه اؤز-اؤزونه آستا-آستا دینجلیردی. امیر تئیمور آنکارا دؤیوشونه ده بو جور گل‌دی. سلطان بیازید تئیمورون اوردوسونون آنکارایا ۶ آیا گلجیینی زنن ائدیردی. لاکین تئیمور بو تاکتیکا ایله جمعی ۳ آیا آنکارایا چاتاراق، عثمانلی اوردوسونو قاباقلادی. بیازید تئیمورون گلیب چاتدیغینا اینانمامیش‌دی.

تئیمورون دؤیوش‌چولری یئیه‌جکلری اتی آتلارینین آیاقلارینین آراسینا یئرلش‌دیریردیلر. کیلومئترلرله قاچان آتلارین آیاقلارینین آراسین‌داکی ات یارانان ایستی‌دن بیشیردی و یئمه‌یه حاضر اولوردو.

امیر تئیمور اؤلومونه گؤره ایکی پلانینی حیاتا کئچیره بیلمه‌ییب. بونلاردان بیری چینی، دیگری ایسه ایستانبولو اله کئچیرمک ایدی. هر ایکی هوجومو ایلدیریم اوردوسو ایله حیاتا کئچیرمیی پلانلاشدیرمیش‌دی. لاکین او، چینه هوجوم زامانی یول‌دا اؤلدو».

قئید ائدک کی، ۱۴۰۲-جی ایلده عثمانلی سلطانی ایلدیریم بیازیدله امیر تئیمور آراسین‌دا باش وئرمیش آنکارا دؤیوشو اورتا عصرلر تاریخینین ان قان‌لی ساواشلارین‌دان بیری کیمی تاریخه دامغا ووروب. تورک دونیاسینا قارا لکه کیمی دوشه‌ن دؤیوش عثمانلیلارین مغلوبیتی ایله باشا چاتیب.