بو گون سحر ساعتلاریندا آمئریکادا دونیاسینی دییشن دونیا شهرتلی عالیم لطفی زاده‌نین جنازه‌سی آذربایجانا گتیریله‌جک.

آخار. آذ خبر وئریر کی، بو باره‌ده آذویسیون. آذ-آ لطفی زاده عائله‌سینین یاخین دوستو، آذربایجان تکنیکی اونیورسیتتینین پروفسورو شهناز شهبازووا بیلدیریب.

اونون سؤزلرینه گؤره، سندلشمه ایشلری تخمیناً ۱ هفته چکه‌جک: "لطفی زاده‌نین جنازه‌سینی ۱۰ گوندن سونرا آذربایجانا گتیرجییک. سون نفه‌سینه قدر لطفی زاده‌نین یانیندا اولموشام. اوغلو نورمان آتاسی دونیاسینی دییشنده اونون یانیندا دئییلدی.

لطفی زاده سون نفه‌سینده مندن خواهیش ائتدی کی، اونون ایشلرینه حصر اولونموش «سوفتکوموتینگ» اوزره عمومدونیا کونفرانسینی ایکی ایلده‌ن بیر تشکیل ائدیم. سونرا دئدی کی، منیم بیر لاییحه‌می بیتیر و مقاله شکیلینده درج ائتدیر. بوندان باشقا علمی مقاله‌لرینین آذربایجاندا تطبیق اولونماسی ایله باغلی ایشلر گؤرمییمی تاپشیردی. من ده اونا سؤز وئردیم. خواهیش ائتدی کی، اونو مسلمان قایداسی ایله دفن ائدک.

بشینجی گون بئرکلی اونیورسیتتین‌ده لطفی زاده‌نین خاطره‌سی یاد ائدیله‌جک. یاس و دفن مراسیمی ایسه دوغما وطنینده کئچیریلجک".

قید ائدک کی، غیری-سلیس چوخلوقلار نظریه‌سینین و غیری-سلیس منطیقین بانیسی، کالیفورنییا اونیورسیتتینین پروفسورو لطفی زاده ۱۹۲۱-جی ایلین ۴ فورال تاریخینده باکی شهرینده رحیم علسگرزادنین عائله‌سینده دونیایا گلیب.