« تلگراف» قزئتی «کرئاتورس سایئستس» بین الخالق شیرکتینین چاغداش علم، سیاست، اینجه صنعت دونیاسینین ۱۰۰ داهیسینین سیاهی‌سینی ترتیب ائدیب. سیاهی‌دا آمریکالی، اینگیلیس، آوروپالی عالیملرین آدلاری دا یئر آلیب. ۵۰-جی یئردن سونرا روسییادان جمعی ۳ نفرین آدینا راست گلمک اولور.

تیم برنرس-لی، جورج سوروس، کونتین تارانتینو، بیلل گیتس، محمد علی کیمی دونیا شهرتلی شخصیتلرین ده آدلاری قید اولونان سیاهینین ۱۴-جو سیراسین‌دا معاصر فیزیکا امینین آذربایجان‌لی داهیسی علی جوانین آدینا دا راست گلمک مومکوندور.

علی جوان کیمدیر؟

دونیا شهرتلی هموطنیمیز گاز (نئون گل) لازرینین ایختیراعچی‌سی‌دیر. خاطیرلاداق کی، گاز لازری اولمادان چاغداش تله کومونیکاسییانی تصور ائتمک مومکون دئییل.

رابطه‌ده‌کی بوتون تکنولوژی قوراشدیرمانی، ماتئریاللارین ایشله‌نمه‌سینی، طب و دیگر ساحه‌لرده‌کی اینفورماسییانین ساخلانیماسی، اؤتورولمه‌سی عالیمین کوانت الکترونیکاسی ساحه‌سین‌ده‌کی کشفی نتیجه‌سین‌ده چالیشیر.

علی جوانی «شرقین اینشتینی»، «لازرین آتاسی» آدلاندیریرلار. او، علم ساحه‌سینین ان نفوذلو «آلبرت انشتین وورلد مئدال اوف ساینس» موکافاتینا لاییق گؤرولوب.

علی جوان- آمریکانین مشهور فیزیکیدیر. ۱۹۲۶-جی ایلده تهران‌دا آذربایجانلی عائله‌سینده دوغولوب. ۱۹۴۸-جی ایلده گلجیین داهیسی آمریکایا کؤچور. ۶ ایل سونرا علی فلسفه دوکتورو اولور. ۳۸ یاشیندا ایسه ماساچوستس تکنولوگییا اینستیتوتونون پروفسورو شرفینه لاییق گؤرولور.

۱۹۵۹-جو ایلده علی جوان "فیسیکالریویو لیترس" ژورنالین‌دا درج اولونان مقاله‌سینده ایلک داوام‌لی گاز لازری قورماغی تکلیف ائدیر. بونونلا کوانت الکترونیکاسیندا غیری-خطی ایسپکتروسکوپییا ساحه‌سینین کشفینه تکان وئریر.

۱۹۶۰-جی ایلده پئشه‌سینین دیگر بیلیجیلری بننئت و ائرروتلا بیرگه ایلک داواملی گاز لازرینی حاضیرلاییرلار.

علی دفعه‌لرله مصاحیبه‌لرین‌ده وورغولاییر کی، من نئجه دئمیشدیمسه، ائله ده اولدو.

«۱۹۶۰-جی ایلین فورالین‌دان اعتباراً کوماندامیز کونستروکسییانین اوزرین‌ده ایشله‌مه‌یه باشلادی. دکابر آیین‌دا حاضر اولان لازر گؤزلنتیمیزی یانیلتمادی. ایندیکی کیمی خاطیرلاییرام، ساعتا باخدیم. ۱۶:۲۰-نی گؤستریردی. همین گون گوجلو قار یاغیردی.

میلادا قدر ایلک داواملی گاز لازرینی حاضرلاییب بیتیرمک ایستییردیک. بئله ده اولدو».

۱۳ دکابر ۱۹۶۰-جی ایل لازر شواسی واسطه‌سیله ایلک تلفن علاقه‌سینین باش توتدوغو تاریخ کیمی دوشدو.

قید ائدک کی، عالیم اوشاقلیغین‌دان و عائله‌سیندن بحث ائدرکن، آذربایجان‌لی اولدوغونو دفعه‌لرله وورغولاییب.

علی جوان همچینین دئییر کی، ۳۰-جو ایللرده عالیملر ایلک داواملی لازرین یارادیلماسینا چوخ یاخین اولوبلار. بئله کی، اتملارین ایشیق دالغالارینی یایدیغی معین ائدیلیب. اگر جوان همین واخت اوشاق اولماسایدی، کشفینی ده ۳۰ ایل تئز ائدردی.

۱۹۶۶-جی ایلده علی جاوان کسیشمه افکتی مودونون نظریه‌سینی یارادیر. همین افکت او واختلار ساده‌جه تخمین ایدی. ۱۹۶۹-جو ایلده ایسه نظریه اؤز تصدیقینی تاپیر، مود قووشاغینین تأثیری مشاهیده اوچون حاضر وضعیته گلدی.

علی جوان ۱۹۷۰-جی ایلده لازر ایسپکتروسکوپییاسی چرچیوه‌سینده ایشیق سرعتینین دقیق اؤلچولمه‌سی ایله مشغول اولاراق ایکی اصول حاضیرلاییر. بیرینجی‌سی ایشیق دالغالارینین مطلق تزلیینین، ایکینجیسی غیری-خطی فلوورسنسییانین اؤلچولمه‌سیدیر.

بو گون علی جوان ماساچوستس اونیورسیتتینین پروفسورو اولماقلا یاناشی، آمریکا علملر آکادمییاسینین و آمریکا علملر و اینجه صنعت آکادمییاسینین، همچینین تریستسک علملرین اینکیشافی فوندونون عضوودور. «آلبرت انشتین ورلد مئدال اوف ساینس» موکافاتین‌دان علاوه آمریکا اوپتیک شوراسینین «فردریج ایوئس» مئدالینا لاییق گؤرولوب.

داهی آذربایجان‌لی ۲۰۱۶-جی ایل ۱۲ سنتیابردا لوس-آنجلس‌ده دونیاسینی دییشیب.