آذربایجانین گنجه شهرین‌ده خالق آراسیندا «جومهوریت ائوی»، «جومهوریت بیناسی» کیمی تانینان بینادا ۱۹۱۸-جی ایل ایونون ۱۶-دان سنتیابرین ۱۶-دک آذربایجان خالق جومهوریتینین میللی شوراسی و میللی حکومت یئرلشیب. بو گون بینا آذربایجان دؤولت آقرار اونیورسیتتینین ایستیفاده‌سینده‌دیر.

۱۹۱۸-جی ایلده تاریخیمیزین شرفلی صحیفه‌سینه شاهیدلیک ائتمیش بینا سووئت دؤورون‌ده تحصیل اوجاغی کیمی فعالیت گؤستریب.

حاضردا خالق جومهوریتین‌دن قالان ایزلر بورادا یارادیلمیش «آقرار علم و تحصیل موزئیی»نده قورونور. یئددی زالدان عبارت موزئیین بئشینجی زالی آذربایجان خالق جومهوریتینین ۳ آیلیق گنجه دؤورونه حصر اولونوب. جومهوریتین ایلک باش ناظری فتحعلی خان خویسکینین ایش اوتاغین‌دا اونون شخصی اشیالاری، دیوان، اوتوراجاقلار، دیوار ساعتی و دیگر نومونه‌لر ساخلانیلیر. زال‌دا خالق جومهوریتینین قوروجولارین‌دان محمد امین رسول‌زاده، علیمردان بی توپچوباشوو، گنراللار صمد بی مهمانداروو، علی اغا شیخلینسکی و نورو پاشایا مخصوص اشیالار دا وار. بوندان باشقا، موزئیده تورک-ایسلام اوردوسونون گنجه قرارگاهینا عایید فوتو ستئندلری ده قورونور.
موزئیین یئددینجی زالین‌دا ایسه آذربایجان-تورکییه موناسیبتلرینین بو گونونو عکس ائتدیرن فوتوستئند دقتی جلب ائدیر. بورادا اولو اؤندر حیدر علیئو و مصطفی کمال آتاتورکون پورترتلری، آذربایجان-تورکییه علاقه‌لرینی عکس ائتدیرن شکیللر یئر آلیب.