آنا صحیفه کولت |
کؤنلوم کئچیر قاراباغدان،
گاه بو داغدان، گاه او داغدان،
آخشام اوستو قوی اوزاقدان
هاوالانسین خانین سسی،
قاراباغین شیکستهسی...
(س. وورغون)
بو گون آذربایجانین گؤرکملی خوانندهسی، بیر چوخ ضربی موغاملارین، تصنیفلرین، خالق ماهنیلارینین ماهیر ایفاچیسی خان شوشینسکینین آنادان اولماسیندان ۱۱۸ ایل اؤتور. آذربایجان موسیقی تاریخینه آدی "قیزیل حرفلر"له یازیلان گؤرکملی صنعتکاریمیزین اصل آدی ایسفندیار جوانشیردیر. سوی کؤکو اعتباریله قاراباغ خانلیغینین اساسینی قویان پناهعلی خانین نسلیندن اولان خان شوشینسکی آذربایجان موسیقیسینین لاییقلی تمثیلچیسی و تبلیغاتچیسی اولماقلا یاناشی، موسیقی خزینهمیزه بیر سیرا تؤهفهلر بخش ائتمیشدیر. بئله کی، دیللر ازبری اولان "شوشانین داغلاری" و "قمریم" ماهنیلارینین مؤلفی محض خان شوشینسکیدیر. خان شوشینسکی آذربایجان دؤولت فیلارمونییاسینین نزدینده "مغام ایستودییاسی" یاراتمیش و بیر سیرا گنجلرین خواننده کیمی یئتیشمهسینده عوضسیز رول اوینامیشدیر.
گون او گون اولسون کی، داهی صنعتکاریمیز خان امینین دوغوم گونونو شوشادا، قاراباغدا قید ائدک... آمین...
تاریخ
2019.08.20 / 13:44
|
مولف
Axar.az
|