غربی آذربایجان ایالتینین مرکزی اورمییا شهرینین تکنولوگییا اونیورسیتتین‌ده تورک دیلینده چکیله‌ن «آتابی» فیلمی نماییش ائتدیریلیب.

Kult.az خبر وئریر کی، بو باره‌ده اورمییالی طلبه‌لر معلومات یاییب.

بیلدیریلیب کی، فیلمین نماییشی طلبه‌لرله یاناشی، اورمییالیلارین دا گئنیش رغبتینه سبب اولوب.

چوخ سایدا اورمیالینین فیلمه باخماق اوچون اونیوئرسیتئته گلدیی، یئرلرین محدود سای‌دا اولدوغو اوچون اونلارین زالا بوراخیلمادیغی بیلدیریلیب.

نیکی کریمینین رژیسورلوغو و هادی حیجازیفرین سناری مؤلفی اولدوغو فیلم ۲۰۲۱-جی ایلده تبریز، زنجان، اورمییا و اردبیل شهرلرینده اکرانا چیخاریلیب.

«آتابی» نماییش ائتدیریلدیی واختلار ایران اوزره بیلطلرینین ان چوخ ساتیلدیغی فیلم کیمی رکوردو یئنی‌لییب.

«آیلیق فیلم» درگی‌سی «آتابی» فیلمینی ۳۸-جی فجر فیلم فستیوالینین ۱۰ سئچیلمیش فیلمی سیاهیسیندا درج ائدیب.

بونا باخمایاراق، فجر فیلم فستیوالینین منصیفلر هئیتی آیری-سئچکی‌لییه یول وئره‌رک، «آتابی» فیلمینین فستیوال‌دا نوماییشینه اجازه وئرمه‌ییبلر.

عائله-معیشت موضوع‌سون‌دا چکیلمیش فیلم‌ده‌کی حادثه‌لر قربی آذربایجان ایالتینین خوی شهری یاخینلیغین‌دا یئرلشه‌ن پیرکند کندین‌ده جریان ائدیر.

اکران اثرینین قهرمانی گنج یاشلارین‌دان عائله‌یه باشچی‌لیق ائتمک مجبوریتین‌ده قالیر و بؤیوک چتین‌لیکلرله اوزلشیر. چتین‌لیکلرین عهده‌سین‌دن گلن قهرمان شخصی حیاتینی قورا بیلمیر. اونون سئوگیسی اوغورسوز اولور و بون‌دان سونرا حیاتینی یاخینلارینا حصر ائدیر.