بوتون دونیا آرتیق ارمنی خالقینین «قدیم‌لیگی» باره‌ده ائشیتمه‌یه اؤیرشیب. ارمنیلرین تبلیغاتی او قدر گوج‌لو اولدو کی، اونلار چوخلارینا ایلهام وئره بیلدیلر.

آخار. آذ خبر وئریر کی، ارمنی اصیل‌لی اوکراینالی تاریخچی «وستنیک کاوکازا» نشرینه مصاحیبه‌سین‌ده سؤزوگئدن مؤوضوعیا توخونوب و ارمنیلرین «قدیم‌لیگی» مسئله‌سینه نقطه قویوب.

اونون سؤزلرینه گؤره، ۱۸-جی عصرین ایکینجی یاریسین‌دان سونرا یازیلدیغینی دوشونمک اوچون بوتون اساسلارین مؤوجود اولدوغو و اکثر حیصه‌سی قدیم یونان، لاتین و دیگر یازیلی منبع‌لرین تحریف اولونموش ترجومه‌لری ساییلان «قدیم ارمنی» متنلری بو گون دونیانین آپاریجی متخصصلرینین دقتینی چکیر.

«ارمنیلرین «قدیملیینین» تبلیغاتی بؤیوک حیصه‌سی ماتئناداران‌دا و یا مقدس لازار آداسین‌دا ساخلانیلان ارمنی دیلین‌ده یازیلمیش متنلره ایستیناد ائدیر. لاکین بو متنلرین تاریخینین معین ائدیلمه‌سی ایله باغلی بؤیوک پروبلملر وار. بونون تک سببی ایسه ساده‌جه پروسسین اؤزونون چتین‌لیگی و یوزفایزلیک نتیجه وئره‌ن متودلارین مؤوجود اولماماسی دئییل، همچینین، هم ماتناداران، هم ده مخیتاریستلرین اللرین‌ده اولان الیازما متنلری اوزرین‌ده موستقیل اکسپرتیزا آپاریلماسینا ایزن وئریلمه‌مه‌سی‌دیر»، - اکسپرت قید ائدیب.