آنا صحیفه کولت |
تورکجه کیتاب نشر ائدنلر «اونلاین کیتابچی» صحیفهسینین آدمینی ایله علاقه ساخلایاراق، تبریز ۱۷-جی بین الخالق کیتاب سرگیسینده ایشتیراک ائتمک اوچون اونلارا لیسنزییا وئریلمدیینی بیلدیریبلر.
آخار. آذ خبر وئریر کی، اورمییادا فعالیت گؤسترهن «بوتا» تورکجه کیتابلار نشریاتینین رهبری محمد صبحدل بیلدیریب کی، ایلکین ناشیرلر اولاراق کیمی مووافیق سایتدا قیدیاتدان کئچسک ده، مسئوللار ایشتیراکیمیز اوچون بیزه آییرماغا کیفایت قدر ایستئندلرینین اولمادیغینی بیزه دئدیلر.
ناشیرلر مسئلهنی آراشدیرماق اوچون اللریندن گلنی ائتسهلر ده، مدنیت و ایرشاد ناظیرلیینین شرقی آذربایجانداکی باش ایدارهسیندن اونلارا لیسنزییانین وئریلمهمهسیله باغلی اساسلی سبب گؤستریلمهییب.
قید ائتمک لازیمدیر کی، سؤزوگئدن سرگینین اؤز ایشینه باشلاماسینا ۲ گون قالیب. قید ائدیلن پروبلم آرادان قالدیریلماسا، بو جور معتبر مدنی تدبیرده ایشتیراکدان محروم اولماق گونئی آذربایجانلی ناشیرلره هم ده جدی اقتصادی زیانلار ووراجاق.
بو دقیقهیه قدر اورمییانین «بوتا» و «یاز»، تبریزین «آذرتوران»، «دنیزچین» و «کیرپی»، بینابین «پارلاق قلم»، ائلجه ده تهرانین «اندیشه نو» (یئنی دوشونجه-رئد.) کیمی تورک دیلینده کیتابلار چاپ ائدن نشریاتلاری سرگیده ایشتیراک ائتمک اوچون اجازه سندی آلا بیلمهییبلر.
تاریخ
2019.10.19 / 18:00
|
مولف
Axar.az
|