آنا صحیفه کولت |
گونئی آذربایجانین تبریز شهرینده «تورک ادبیاتی و مدنیتینده گولوش، میزاح و یومور» کیتابینین تقدیمات مراسیمی کئچیریلیب.
آخار. آذ خبر وئریر کی، علی پولادین قلمه آلدیغی اثر نویابرین ۱۲-ده تبریزین نفت-کیمیا سالونوندا تقدیم اولونوب.
مؤلفین دئدیینه گؤره، ۷ جیلدلیک کیتابدا سون مین ایلده ۶۰۰-دن چوخ ایراندا تورک یازیچی و شاعرین ساتیریک شعیر و نثر نمونهلرینی گؤرمک مومکوندور.
«دونیا اوزره بیرینجی دفعهدیر کی، باشقالارینا گولمک دئییل، اینسانلاری گولدورمک مقصدی ایله بئله بیر بؤیوک اثر قلمه آلینیب. اثرین بیرینجی بؤلومو بیر چوخلاری اوچون جازیبهدار و گولمهلی اولمایا بیلر. بو، دیل، عادت-عنعنه و مدنیتده باش وئرن دییشیکلرله علاقداردیر.»- دئیه علی پولاد قید ائدیب.
مشهور ایش آدامی گولمیین بوتون دردلره قارشی آنتیدوت کیمی عمل ائتدیینی بیلدیرهرک بو کیمی اثرلرین نشر اولونماسینین واجیبلیینی خصوصی وورغولاییب.
معلوماتا گؤره، مراسیمده چوخلو شعیر اوخونوب و آشیق ماهنیلاری ایفا اولونوب. ایشتیراکچیلار همچینین ساتیریک شعرلری دیللر ازبری اولان گونئی آذربایجانین گؤرکملی شاعری حسین کریمی ماراغالینین یارادیجیلیق فعالیتینی تقدیر ائدیب.
تاریخ
2019.11.13 / 15:40
|
مولف
Axar.az
|