یوخاری

تبریز ناموسو: تاریخی رومان -یئددینجی حیصه

آنا صحیفه کولت
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

اولی بورادا

تئز- تئز بدنینه سویوق تر گلیر، تول ایسلانیب دوشلرینه، قوللارینا یاپیشیردی. اما بونلارا اهمیت وئرمک حالیندا دئییلدی. اولوم اونو اونو سئویملی ارینین یانینا آپارسا، اوردا خوشبخت لییه قوووشاجاقدی. اما بیر داها اولادی اولمایاجاقدی. چونکی اولنلرین اولادلاری اولمور. بو دونیادا اولاد شیرینلییی، سئوینجی وار، او دونیادا آنجاق تنها ابدیت.

دوداقلاریندان سود دامان کورپه دن آیریلاندان سونرا نئینیر او ابدیتی؟ اولادلارین بو دونیادا یئتیم قویوب، او دونیایا گئدن هر ایکی والدین او ابدیتده خوشبخت اولاجاقمی؟ بیر آزدان اورادا اولادلاری اولمایاندان سونرا محبتلری ده سویویاجاق، او دونیانین سویوق، بوز نفسلی آداملارینا چئوریله جکلر.

بیر آیاغی گئتمه یه راضی ایدیسه، او بیریسی بو دنیادا قالماق ایسته ییردی. لاکن... انسان عینی واختدا ایکی سمته یویوره بیلمز.
سحری دیری گوزلو آچدی. ایلخیلار اوتلاقلارا چیخاندا، قویونلار یایلیما قالخاندا یئکه نیدون اونون دالینجا بویاتلی نوکری گوندرمیشدی.
خاتون، یئکه نیدون سنی باش شامانین چادیرینا چاغیریر.

بو سوزلری ائشیتجک ائله بیل قلبینده بیر تئل قیریلدی، آیاقلارینی دیزدن توتوب ساخلایان ساپلار اوزولدو. اشاره ائتدی کی، نوکر چادیردان چیخسین. بیر نئچه آن اوزونه اله آلماغا چالیشدی و قطعیت له قالخیب گئیینمه یه باشلادی. قیرمیزی قماشدان شالوارینی گئیدی، بو شالوار سول طرفدن آچیق ایدی. اما اوستوندن کورکونو اینینه آلدی. بو کورک ناخیشلارلا ایشلنمیشدییی. سویود بوداقلاریندان هورولوب، اوستونه قماش چکیلمیش دینگه سینی- بوغتاجی باشینا قویدو. بوغتاجین کنارلاریندان اوزانان اورتوکلر اونون ساچلارینی و بوینونو اورتور، کورکونون اوستوندن ساللانیردی.

بوتون گئییمی باشدان- باشا قیرمیزی رنگده ایدی. اونون اللری و صیفتی بو قیرمیزی رنگین ایچریسینده داها ایشیقلی گورونوردو. قورخو اوزونون دریسینی بیر از دا آغارتمیشدی. پالتارین رنگی قوروموش قان رنگینه چالیردی کی، بونو دا اوزو قصدا سئچمیشدی. چونکی ایسته میردی کی، قانی توکولنده گورونسون.

الان- قوا چادیریندان چیخیب، شاهانه یئریشله باش شامانین چادیرینا طرف یئریدی. آلاچیقلاردان اونا باخانلار دا آز دئییلدی. قادینلاردان بعضی سی اوزونو گیزله دیر، بعضی سی گوز یاشلارینی گیزلتمک اوچون باش اییب، تعظیم ائدیردیلر.

شامانین چادیرینین قاپیسی آچیق ایدی و اورتادا بوتون فصللرده اولدوغو کیمی اود یانیردی. شامان اوزون ساققالی، اینیندههه قویون کورکو، قوجاغیندا قوپوز توتان یاشلی بیر آدام ایدی. دیوارلاردا مختلف حیوانلارین بوینوزلاری آسیلمیشدی. اوستونده اوتوردوغو آیی دریسینین باشی اوستونده ایدی و اونون دا قاباق دیشلری آغاپپاق گورونوردو. طایفانین خیری ده، شری ده شامانلا باغلی اولدوغوندان، بویوک نفوذ صاحبی ایدی. یعقین کی، اونو اوز اوجاقینین باشینا چاقیرماقدا مقصدی ارینین یانینا گئتمه سینی مصلحت گورمک ایدی.
آلان- قوا چادیرین یانینا قدر گلدی و دایانیب، دینگه سیندن ساللانان باهالی یئللردن بیرینین یانیندان بیر شیریم قوپاریب، اونون آلاچیغینین قاپیسینا باغلادی. شامانین آغ کئچه آلاچیغینین هر طرفیندن بئله رنککک به رنگ پارچالار ساللانمیشدی کی، بونلارلا اونا زیارته، مصلحته گلنلرین سایی نی بیلمک اولاردی.

شامان اوز ایشینده ایدی و قوپوزدا قدیم بیر هاوا چالیردی. ائله قمای، دوزنلر کیمی ائلههه سونسوز نهایتسیز ایدی، اونو ائشیدن آلان-قوا قهرلندی. قوپوزون سسی باتیق و سرلی ایدی.

الان- قوا ایچری گیریب، بیر آن دوروخدو. شامانین قارشیسیندا، اوجاقلا قاپی آراسیندا ایکیکئچه سالینمیشدی. اولانلاردان بیری آغ، بیری ایسه قارا ایدی. خاطون آغ کئچه یه یاخین اولسادا، بیر آددیم آتیب، قارا کئچه نیننن اوستونه کئچدی و اوردا دیز اوستونده اوتوردو.
شامان باشینی یوخ، کیرپیکلرینی قالدیرماقلا اونون بو حرکتینی گوردو و دئدی:

قارا کئچه اوستونده قارا فیکیرلی، قارا عمللر توتان، قارانلیق بیر اولکه یه سفرده اولانلار اوتوورار. کئچ آغ کئچه نین اوستونه، قیزیم، هئی!

شامان بابا، ار ایگیدیم گئدر- گلمز اولدو. دونیام، بختیم قارا گتیردی. او منیم ده قسمتیمدیر.

یوخ، قیزیم. سن آغ کئچه نین اوستونه کئچ. آغ گونلر گوردون، آغ گونلر یاشادین، آغ عمللر توتدونن. کئچ آغ کئچه یه.
آلان- قوا یئرینی دییشیب، آغ کئچه اوستونده دیز چوکدو.

ایدی ائشیت، قیزیم خاطون! سنین بیرجه قارا عملین وار. شامان بابا سنه دئسین!

من می قارا عمل توتدوم؟

سن توتدون، قیزیم خاطون!

هانسیدی او عمل؟

ارین اولندن چوخمو کئچدی، سویله؟

یوخ، یوخ کئچمه دی اریم اولندن.

بس اوندا نه دن قیزمیزی گئیینیب گلدین؟

آلان-قوا حالینی پوزمادی.

من ار ایگیدیمین یانینا توی پالتاریندا گئتمه یه گلدیم، شامان بابا!

شامان یانینداکی ساخسی قابدان نه سه گوتوروب اوجاقا آتدیی و آلاچیغا خوش بیر قوخو یاییلدی. قوپوزونو دیزینین اوستونه ائندیریب، غریبه بیر اویناق هاوا چالدی. سونرا عینا همین غریبه آهنگله دانیشماغا باشلادی، دئدی:

یا تانریم، یا تانریم، یا تانریم! هئی، هئی،هئی! ائی تانریم، یانیلاندا منه یانیلاندا منه یاردیم ائت! ائو قوپوزوم، قاچاق آتین قویروغوندان تئل یاپدیغیم قوپوزوم، دوغرو گور، دوغرو سویله. سویلمه سن، قولاقلارینی بورارام، سو ایلانی کیمی چئوریلیب- آچیلیبب اوستونه گلرم. دوغرو دانیشماقدا منه یاردیم ائت. ائی تئللی تانریم. شامان تانرینین قولودو، قوپوز شامانین- بوندان سونرا شامان اوزون بیر دعا اوخودو، جوشدو، کوپوکلندی، کوکره دی، سونرا ساکیتلشیب، قوپوزو بیر طرفه قویدو.

خانم قیزیم، بو چالدیغیم قوپوز دئییل، گوی اوزودو. گویلرین سوزونو دانیشاندی. ایلدیریم دا اونداندی، شیمشک ده. سنین سوزوندن قوپوز دا جوشا گلدی، شامان بابا دا. ایگید ارینین یانینا گئتمه یینی توی- بایرام بیلن خانیم قیزیمم!

داوامی وار

تاریخ
2020.01.27 / 18:31
مولف
Axar.az
شرح لر
دیگر خبرلر

گنجه‌لی قیزین سون دنیا تورو: باکییا نیه گلمیر؟

مشهور برند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

آذربایجان کمدییاسینین بانیسی: ثابت رحمان

خبر خطّی
Axar.az'da reklam Bağla
Reklam
Bize yazin Bağla