تانینمیش شاعر، ترجومه‌چی سخاوت عزتی-اندلیب ۱۹۶۶-جی ایلده جنوبی آذربایجان‌دا، قاراداغ محلین‌دا دوغولوب. ایکی یاشین‌دا آتاسینی ایتیریب.

۱۹۷۷-جی ایلده عائله‌سی تبریزه کؤچوب، قاراداغ محلینین باشقا اوشاقلاری کیمی ادبیاتا ماراغی لایلالارلا، ناغیللارلا، داستانلارلا اویانیب.

اون یئددی یاشین‌دا شئیر یارادیجی‌لیغی ایله دقت چکه‌ن سخاوت عزتی اصل ادبیات آدامی کیمی تئزلیکله جمعیت‌ده تانینیر. ایگیرمی ایکی یاشین‌دا "نغمه‌لی داستانلار" کیتابینی نشر ائتدیریر، بیر ایل سونرا محبت داستانلارینا دایر کیتابی چیخیر، بونون آردینجا ایسه "آشیقلاردان ایشیقلار" آدلی کیتابینی چاپ ائتدیریر.

بیر چوخ آذربایجان شاعرینین شعیرینی ایستر کیتاب شکلین‌ده، ایستر اینترنت سایتین‌دا یاییملاییب.

او اوز آشماق‌دایام بو داغی، گؤره‌ن او اوز هامارمی. او اوزده بو اوز کیمی حیات یوللاری دارمی. گؤیردی یولوموزدا، مین اوچوروم، مین گدیک. دردین داغارجیغینا، چاره‌سیز حیات دئدیک. سوروندوک دیزین-دیزین، بلکه آشاق بو داغی. من کی یامان اؤزلدیم او اوزده یاشاماغی. گؤره‌سه‌ن اورانین دا، دنی توش‌دا اکیلیر؟ آتی سوموک گمیریر، ایتینه یئم تؤکولور؟ گؤره‌سه‌ن اورانین دا، جیزیی وار، جیزی وار؟ گونه چیخان ایری‌سی، قاندال‌لانان دوزو وار؟ میدان آچیرمی اوردا وعده قهرمانلاری؟ اژداهالار الین‌ده اسیر قالیب سولاری؟ اورانین دا گؤره‌سن آجی چوخدور توخوندان؟ تلسیرم بو اوزده‌ن، گئدیب گؤره‌م یاخین‌دان.

او اوز

آشماق‌دایام بو داغی،
گؤره‌ن او اوز هامارمی.
او اوزده بو اوز کیمی
حیات یوللاری دارمی.

گؤیردی یولوموزدا،
مین اوچوروم، مین گدیک.
دردین داغارجیغینا،
چاره‌سیز حیات دئدیک.

سوروندوک دیزین-دیزین،
بلکه آشاق بو داغی.
من کی یامان اؤزلدیم
او اوزده یاشاماغی.

گؤره‌سه‌ن اورانین دا،
دنی توش‌دا اکیلیر؟
آتی سوموک گمیریر،
ایتینه یئم تؤکولور؟

گؤره‌سه‌ن اورانین دا،
جیزیی وار، جیزی وار؟
گونه چیخان ایری‌سی،
قاندال‌لانان دوزو وار؟

میدان آچیرمی اوردا
وعده قهره‌مانلاری؟
اژداهالار علین‌ده
اسیر قالیب سولاری؟

اورانین دا گؤره‌سه‌ن
آجی چوخ‌دور توخون‌دان؟
تلسیرم بو اوزده‌ن،
گئدیب گؤره‌م یاخین‌دان.