آنا صحیفه کولت |
مشهور رژیسور کوئنتین تارانتینو فرانسادا نشر اولونان "پرئمیئرا" ژورنالینا مصاحیبهسینده معاصر فیلم تنقیدینین سوییهسیندن چوخ ناراضی اولدوغونو بیلدیریب.
اونون فیکرینجه ایندیکی تنقیدچیلرین نظری بیلیکلری یوخدور، ضعیف یازیرلار و فیلملری کیفایت قدر دریندن تحلیل ائتمیرلر.
تارانتینو همچینین سون فیلمیندن سونرا رژیسورلوق صنعتیندن اوزاقلاشدیغینی و آرتیق یازیچی کیمی فعالیت گؤسترجیینی ده آچیقلاییب.
"پلانیمدا چکمک ایستدییم بیر فیلم اولسا دا من آرتیق رژیسور دئییلهم، یازیچییام. بیر رئژیسسور کیمی گلهجک کاریئرام بارهده دوشونمورهم، اؤزومو داها چوخ بیر یازیچی اولاراق گؤرورهم. پیئسلر، رومانلار، ائلجه ده کینو حاقیندا کیتابلار یازماق ایستییرم. کینودان آیریلدیقدان سونرا باشقالارینین ایشلرینی داها سربست مذاکیره ائده بیلرهم".
رژیسور امیندیر کی، ایندیکی وضعیتده یازیچیلارین اینکیشافی اوچون چوخ شئی وار.
"من پولین کئیل، ائندریو سارریس کیمی متخصصلرین یازدیغی تنقیدلری اوخویاراق بؤیودوم. واخت وار ایدی کی، فیلملر حاقینا یازی یازارکهن تنقیدچیلر ایفاده قورماق، کینو ترمینلریندن ایستیفاده ائتمک اوچون بیر رداکسییادا ایشلهمهلی اولوردولار. بوگونکو وضعیت ایسه داها دئموکراتیکدیر. ایندی بو جور طلبلر آرتیق مجبوری دئییل و آز قالا جفنگیات حساب اولونور. ایندی متنلرینی اینترنته یئرلشدیرهن و یا پودکاست یازان اینسانلارین چوخو سادهجه هوسکارلاردیر. اونلار متنین نظریهسینه، تحلیلینه و کیفیتینه کیفایت قدر اهمیت وئرمیرلر"
معاصرلریندن رئیسور «نیو یورک تایمس» قزتینین آپاریجی فیلم تنقیدچیسی مانولا دارگیسین اوصلوبونو یوکسک قیمتلندیردیینی بیلدیریب.
تاریخ
2020.06.03 / 15:02
|
مولف
Axar.az
|