آنا صحیفه کولت |
آذربایجان آغیز ادبیاتیندا بایاتیلی حیکایهته بیر نمؤنه: "نیشانلی قیز و اوغلان چمن سئیرینه چیخیرلار. یاز باشی اولور، بنؤوشهلر، نرگیزلر بیر-بیرینه گؤز وورور.
اوغلانلا قیزین گوروشوب صحبت ائتدیی یئرده کندلریندن اولان بیر کیشی بورا گلیر. قیز تئز آلتی تاختا تومانی اوغلانین باشینا آتیب اونو گیزلهییر. بو کیشی بیر بایاتی چکیر:
عزیزینم، نرگیزلر
توپ-توپ بیتر نرگیزلر
اَشرهمیش مایا گوردوم
قولتوغوندا نر گیزلر.
قیز گورور کی، چوغول کیشی کنده طرف خبره قاچیر. قیز تئز اوغلانی تومانین آلتیندان چیخاریر. کیشی نی گئری چاغیرار و بیر بایاتی چکیب بیلدیرر کی، بو اوزگهسی یوخ، نیشانلیمدیر:
گئدن گئتمه، دایان دور
هر ایش منه عیان دیر
نه چوخ تعنه وورورسان
اوز نریم، اوز مایام یر.
قیز بونونلا بئله، چوغول کیشی نین بایاتیسینی دا جواب سیز قویمور:
عزیزینم، نرگیزلر
توپ-توپ بیتر نرگیزلر
سنین کیمی چوغولو
تورپاق آلار، یئر گیزلر.
تاریخ
2020.06.03 / 15:21
|
مولف
Axar.az
|