آذربایجان میللی علملر آکاد‌مییاسینین محمد فضولی آدینا الیازمالار اینستیتوتونون علمی ایشلر اوزره دیرئکتور معاوینی، فیلولوگییا علملری دوکتورو پاشا کریموو ایستانبولون سلیمانییه کیتابخاناسی و تهران میللی کیتابخاناسین‌دان ۱۵-جی-۱۶-جی عصرلرده یاشامیش آذربایجان شاعری محمد بسیرینین لیریک شئیرلر توپ‌لوسو - دیوانینین آوتوگراف نوسخه‌لرینی الده ائدیب.

کولت. آذ خبر وئریر کی، ۱۵۳۴-جو ایلده وفات ائتمیش بسیرینین ۱۴۶۶-جی ایلده دوغولدوغو احتیمال ائدیلیر. گنج‌لیک ایللرین‌ده آغقویون‌لو حکمدارلارینین سارایین‌دا یاشامیش شاعر ۱۴۸۷-جی ایلده خوراسانین پایتختی هراتا سیاحت ائدیب. حسین بایقارا، علیشیر نوایی و عبدولرحمان جامینین رغبتینی قازانان بسیری وطنه قاییتدیق‌دان سونرا تورکییه‌یه کؤچوب، اورادا دا وفات ائدیب. تورکییه مؤلفلرینین تذکیره‌لری اونون یارادیجیلیغینین یئرلی ادبی موحیطه تأثیر ائتدیی باره‌ده معلومات وئریر. ایندیدک آذربایجان‌دا شاعرین جمعی بیر نئچه شعیری معلوم ایدی. بسیری دیوانینین ایستانبول نوسخه‌سینین اولین‌ده اونون فارسجا شعیرلری، سونرا ایسه ۱ قصیده و ۴۶ غزه‌لی یئر آلیب. شاعرین دیوانینین تئهران نوسخه‌سی ده فارسجا شعیرلرله باش‌لانیر. بورادا آذربایجان تورکجه‌سین‌ده ۴ قصیده و ۷۴ غزل وار. شاعرین آغقویونلو و عثمانلی حکمدارلارینا، یوکسک وظیفه‌لی شخصلره حصر ائتدیی قصیده‌لر اونون یاشادیغی دؤور حاقین‌دا داها اطراف‌لی معلومات اؤیره‌نمه‌یه کؤمک ائدیر.

الیازمالار اینستیتوتونون معلوماتین‌دا بیلدیریلیر کی، بو یئنی شعیرلر اساسین‌دا بسیرینین شعیرلر توپ‌لوسونو نشر ائتدیرمک نظرده توتولور.