فارسجادان چئویرن " ویدا حشمتی"

اوشاق تربییتی ایله ایلگیلی نئچه اؤنملی قونو

۱-اوشاغینیزا دووارا خط چکمه دئمک یئرینه، آل بو واراقدا ایسته‌دییینی چک سونرا دووارا یاپیشدیراق دئیین.
۲- اوتاغی تمیزله! دئمک یئرینه، بیلیرم دوزه‌نلی اولماغی سئویرسن، اونا گؤره بیرلیکده اوتاغی تمیزله‌یک دئیین.
۳- درسلرینی چالیش، چونکو ان اونملی شئی درس‌دیر دئمک یئرینه، درسلرینی یاخشی اوخویارسان‌، بیرلیکده اویون اوینایاریق دئیین.
۴-بیزیم ترپه‌نیشلریمیز اوشاغین اوزه‌رینده ائتگی یارادار.

۵-اوشاقلارین هر ترپه‌نیشی بیزیم ایشلریمیزین یانسیماسی‌دیر.
۶-همیشه اوشاقلارینیززی سایغی‌ و محبت‌له چاغیرین. جانیم اوغلوم، عزیز قیزیم و...
۷-هرگون اوشاقلارینیزا ان آزیندان بیر کز دئیین: اوره‌ییم! سنه چوخ فخر ائدیرم‌.
۸-اوشاقلارینیزا بیر قوناق قدر حؤرمت ائدین و اونلارا، اؤنملی اولدوقلارینی بیلدیرین.
۹-اوشاقلارینیزا گووه‌نین.

۱۰-هر شئیدن اؤنجه حیات یولداشینیزلا، اوشاغینیزین تربییه قونوسونداکی آنلاشمادیقلارینیزی، حل ائدین.
۱۱-اوشاقلارینیزا واخت آییرین و اونلارا یاخین اولماغا چالیشین.
۱۲-اوشاقلارین اؤنونده حیات یولداشینیزلا سایغیلی اولون‌.
۱۳-اوشاقلارینیزا اوره‌کدن سئوگی بسله‌یین و اونلاری سئودییینیزی گوُسترین.
۱۴-اوچ یاشدان سونرا، یاواش-یاواش سوروملارینی اؤزلرینه تاپیشیرین.
۱۵-اونلارین یانلیشلارینی باغیشلایین و جبران ائتمک اوچون زامان وئرین. بعضا یانلیش بیر ایش گؤرمکلرینه و ریسک ائتمکلرینه ده ایذین وئرین.

۱۶-هرگون اونلارلا اویون اویناماغا زامان آییرین، هردن اویون اورتاسیندا گولون و سئوینجلی اولون.
۱۷- بللی بیر گونو اونلارلا دولانماغا و یئریمه‌یه چیخین.
۱۸-اونلارا صداقتلی اولماغی، امانتدارلیغی، غضبلرینی کنترل ائتمه‌یی، عهدینه صادیق اولماغی اؤیره‌دین.
او سیزدن اؤیره‌نیر و گله‌جکده، اینسانلارلا اؤیره‌ندییی کیمی داوراناجاقدیر.