گلدیک بیر "سؤز" اؤيره نك ؛ دئديلر:

سؤز، جمله دن یارانیب ،اؤتجه گئدین جمله یه باخین. گلدیک "جمله" یه. جمله، کلمه لردن یارانیر؛اؤنجه گئدین کلمه یه باخین دئدیلر. "کلمه"یه گلدیک!

کلمه ، سسلردن یارانیر؛ اونا باخین. گلیب "سس"لره چاتدیق. "سس" ، آغیزدان چیخان هاوا ایمیش.

( نئی چالینار کیمی ، آغ جییردن قالخیب آغیزدان گلیب چیخیر. )

سسلرین بیر بؤلومو ، دیل سیستمینده وار دئدیلر. آمما سسلری یازماق اوچون ، حرفلر لازیم ! دئدیلر.

اؤيرنديك كي، حرفلر يالنيز علامتلر و سيمبللار ديرلار.
هر حرف، بير سسين آدرسی کیمی بیر شئی دیر. بیزیم ذهنیمیزی دوز سسه گؤتورور.

دیلده اولان حرفلرین توپلوسونا الیفبا دئییرمیشلر.

تورکلر دؤنم - دؤنم ، مختليف يئرلرده چئشیدلی الیفبالاردان فایدالانمیشلار.

بیزیم ایکی الیفبامیز وار!

دیلیمیزین سسلرینی ایکی الیفبا دا اؤيرنيب ، يازيريق:

عرب اليفباسی ، لاتین الیفباسی

لاتین الیفباسی، بیر نئچه فرقله، اینگیلیسجه ده ده اولان الیفبا دیر.

بو فرقلرله:

- بیزده w حرفی یوخدور.

- اولاردا دا Ə حرفی یوخدور. Ö , Ü , I ده اولاردا يوخدور.
- بيزده چ ،"Ç" , ژ ،"J" , ش ، "Ş"
غ ، "Ğ" یازیلیر.
- بیزده K ایکی سسین نمادی دیر :
1. Kanal , Kod , kot , ...
2. Kələm , Kərim , Bakı , ...
آمما عرب الیفباسیندا ، ایشلر بیراز قاریشیقدیر!

عرب الیفباسیندا ، بیر ده " ع " حرفی وار!( عرب دیلیندن دیلیمیزه کئچن سؤزجوکلرده)
آنجاق اولارداکی کیمی اوخونمور ! نم نئچه جور اوخونور:
علی (Ə) , عاشيق ، عابباس ( A )
معليم (üə) , مانع (E) , و ...

نم نئچه دنه Zوار:

ز، ظ، ض، ذ
اوچ S وار: س، ص، ث
ایکی T وار : ط، ت

دئدیلر : Ü , Ö ,O , U هاميسي "او - و" بیچیمینده یازیلیر!
هله Vدا وار !! او دا "و" یازیلیر.
بو حرفلره ده اوخشار سؤز دئدیلر: I ,İ , Y

آنجاق بونلار حل اولاجاق دئدیلر.
بیرازی موبایلارین فونت چاتیشمازلیغیندان آرایا گلمیش میش !

دئدیلر گلجک درسلرده آچیقلاناجاق.

- نه دئیرم ؟! آل نظریک ؛ اونا دا دؤزه ريك !

يورولماسین دوستلاریم.