فرانسا مقاومت حرکاتی‌نین دؤیوشچولری ایله چیگین-چیگینه تخریبات عملیات‌لاریندا، فرانسانین شهر و کندلری‌نین آزاد ائدیلمه‌سی اوغروندا گئدن دؤیوش‌لرده آذربایجان‌لی‌لار آکتیو ایشتیراک ائتمیش‌لر.

سووت اوردوسونون اوغورلاریندان‌ قورخان فاشیست کومان‌دان‌لیغی حربی اسیر دوشرگه‌لرینی جبهه ختتین‌دن اوزاغا، فرانسانین جنوبونا کؤچوردو. آذربایجان‌لی حربی اسیرلر اساساً رودز شهری‌نین دوشرگه‌سینده ساخلانیلیردی. محض بورادا، رودئز رایونوندا ایلک سووت پارتیزان آلایی‌نین یارادیلماسینا باشلانیلدی. فاشیزمه قارشی قورخماز دؤیوشچو کیمی شهرت قازانان آذربایجان‌لی - ظابط میرزخان مممدوو دوشرگه‌ده اولان بوتون آذربایجان‌لی‌لاری اؤز اطرافیندا بیرلشدیره بیلدی و آنتی‌فاشیست تشکیلاتینا رهبرلیک ائتدی.

نوروش امام‌قلی اوغلو مهدیئو، جلیل تانریوردیئو، مممد مممدوو، خاسای قلی‌ئو، آللاهوردی ولییو، حسین‌رضا مممدوو، توکل مممدوو، عباس حسینوو، خلف حاجییئو، خالدالدین حاجیمورادوو، ایوب مممدوو، شاهزاده عبدورقشیموو، احمدیه جبراییلوو و داها یوزلرله آذربایجان‌لی فرانسانی فاشیزمین الین‌دن آلیب‌لار. لارزاک، کورساک، ماند، نیم، رودز شهرلرینی یالنیز آذربایجان‌لی پارتیزان‌لار، هئچ بیر کمک اولما‌دان، آزاد ائدیب‌لر. رودزین آزاد ائدیلمه‌سی زامانی پارتیزان‌لار - آذربایجان‌لی‌لار خصوصی شجاعت گؤسترمیشلر. داها سونرا فرانسانین نیما، آلیسا و س. شهرلری‌نین فاشیست‌لردن آزاد ائدیلمه‌سینده ایشتیراک ائتمیشلر. هامی‌سی دا همین دؤیوشلردن سونرا کماندانلیغین امری ایله فرانسانین اوردن و مئدال‌لاری ایله تلطیف ائدیلمیشدیر.

بون‌لار ایچری‌سینده ایدریس هشیمووون آدی فرانسا منبع‌لرینده خصوصی حال‌لانیر. 5 مارت 1944-جو ایلده ایدریس هشیمووون آدینا وئریلمیش سندده یازیلیر کی، او، آویرون رایونونون آرت-سول باتالیونوندا خیدمت ائدیب. هشیموو - لیون، دیژون، رودز شهرلری‌نین آزاد ائدیلمه‌سینده ایشتیراک ائدیب، میللو، مند، لانقوننه و س. اراضی‌لرینده فاشیست ایشغالچی‌لاری ایله دؤیوشلرده دوشمنین اونلارلا جان‌لی قوه‌سینی و تکنیکاسینی محو ائدیب. بونا گؤره فرانسا مقاومت حرکاتی‌نین کماندانلیغین‌دان 2 خصوصی تشکر آلیب.

قید ائدیم کی، تکجه دوشمن‌لره ساواشماییب هشیموو، اونون یوزلرله فرانسیز اوشاق، قادین و یاشلی اینسانی دوشرگه‌لردن خلاص ائتمه‌سی باره‌ده ده قیدلر وار. دییلنه گؤره، فرانسانین بیر چوخ یئرینده اونون خلاص ائتدییی شخص‌لر کیلساده اونون اوچون دعا‌لار ائدیردیلر.

ادریس هشیموو باره‌ده فرانسا منبع‌لرینده یازیلیر کی، اونون قهرمانلیق‌لاری باره‌ده او دؤورده افسانه‌لر یاییلمیشدی و اونو رودز فاتحی دئیه آدلاندیریردی‌لار. چوخ هئیف کی، نه روس، نه ده آذربایجان آرخیو‌لرینده اونون حاقیندا باشقا معلوماتا راست گلمک اولور.

حاضردا اونون نوه‌سی النوره هشیمووا آمریکادا یاشاییر.