شوشادا اولان مسجیدلر اساساً عایدیاتی اوزره فعالیت گؤستره‌جک. چونکی مسجیدین مسجید فونکسیاسی وار.

kult.az رئپورت-ا ایستینا‌دا خبر وئریر کی، دینی قوروم‌لارلا ایش اوزره دولت کمیته‌سی صدری‌نین بیرینجی معاوینی صیاد سالاحلی ژورنالیست‌لره آچیقلاماسیندا دئییب.

اونون سؤزلرینه گؤره، ائله مسجیدلر وار کی، اونلاردان موزه کیمی ده ایستیفاده ائتمک اولار:

"بو دا شوشانین سیماسینا علاوه گؤزللیک و یاراشیق گتیره‌جک".

سالاحلی قید ائدیب کی، آزاد ائدیلمیش اراضی‌لرده داغیدیلان تاریخی-دینی عابده‌لرین هامی‌سینی ممکن قدر برپا ائدیله‌جک:

"مسئله اوراسیندا‌دیر کی، ارمنی‌لر دونیا اجتیمایتی‌نین قیناغیندان چکیندیکلریندن مثال اولا‌راق، گوهراغا، آغدام و دیگر مسجیدلری داغیدا بیلمه‌ییب‌لر. داغیدیب برباد گونه سالسا‌لار دا، یئرله-یکسان ائده بیلمه‌ییبلر. ائله مسجیدلر ده اولوب کی، تملینه قدر داغیدیب‌لار. همین مسجیدلری یئنی‌دن برپا ائتمک لازیم‌دیر. دینی اوجاق‌لاری برپا ائدجییک کی، یورد-یووا‌لارینا قاییدان سویداش‌لاریمیز دینی عبادتلری راحت ائده بیلسینلر".

شوشا‌داکی قازانچی و روس کیلساسی‌نین عاقیبتینه ده آیدین‌لیق گتیرن صدرین بیرینجی معاوینی علاوه ائدیب کی، هر ایکی یئرده برپا ایشلری داوام ائدیر:

"همین یئرلرده ده عایدیاتی اوزره تدبیرلر کئچیریله‌جک. بوتون الله ائولرینه حؤرمتله یاناشیریق و اورانی دا محض اللهین ائوی حساب ائدیریک. ارمنی‌لردن بیزیم فرقیمیز اوندان عبارت‌دیر کی، اونلار اوچون مقدس هئچ نه یوخدور. اونلار قارشی‌سینا چیخان هر شئیی داغیدیب‌لار، کؤکون‌دن سیلیب آپاریب‌لار کی آذربایجانین اورادا ایزی قالماسین. لاکین اونودوب‌لار کی، تاریخ وار و بیز اورادا یاشامیشیق".