دونیانین هر یئرین‌دن بئش یوزدن چوخ یازیچی، صنعت‌چی، آکادمیک و مدنیت فعالی اینجه‌صنعت، مدنیت و آکادمیک ساحه‌لرده اسلام رسپوبلیکاسینی بایکوت ائتمه‌یه چاغیران بیانات امضالاییب.

Axar.az خبر وئریر کی، بیانات‌دا اسلام رسپوبلیکاسینین اعتراضچیلارا قارشی زوراکیلیغی «اینسانلیغا قارشی جینایت» آدلاندیریلیب، رپرسییالاری (تصفیه) تؤره‌دنلرین بین الخالق محکمه‌لرده محاکیمه اولونماسی طلب ائدیلیب.

همچینین، «قادین، حیات، آزادلیق» اعتراضلارینا احترام گؤستریلدیی، داوام ائد‌ن دیرنیشین «ایران خالقینین سوسیال آنلاشماسینی یئنیلمک ایستیی»نین گؤستریجیسی اولدوغو اوچون شرط‌سیز دستکلندیی بیلدیریلیر.

«ایران رژیمی سون ۴۴ ایلده هر جور سوسیال و مدنی عدالت‌سیزلیک ایچین‌ده ملی و دینی آزلیقلارا قارشی زوراکیلیغا ال آتدی. قادینلارا، جین‌سی آزلیقلارا و اجنبیلره قارشی دوشمن‌چیلییی قانونی‌لشدیردی».