۲ ایل بوندان اؤنجه آذربایجانین چاغداش تاریخینده محتشم حادثه باش وئردی. صحبت ۴۴ گونلوک محاربهده آذربایجانین تاریخی ظفرینین شرفینه باکینین آزادلیق میدانیندا ۱۰ دکابر ۲۰۲۰-جی ایلده کئچیریلن ظفر پارادیندان گئدیر.
آذربایجان رسپوبلیکاسینین پرزیدنتی، مطفر عالی باش کوماندان ایلهام علیئوین سؤزلری ایله دئسک، «آزادلیق میدانیندا پارادلار چوخ کئچیریلیب. آنجاق بو پارادین خصوصی اؤنمی وار. بو، ظفر پارادیدیر. بو، تاریخی حادثهدیر. بو تاریخی گونون شاهدی بیزیک، آذربایجان خالقیدیر!»
بلی، بو بیر باشقا پاراددی؛ بلی، بیز غالیب خالقین حاقلی قورورونو، شانلی ظفریمیزی دونیایا نوماییش ائتدیریردیک، اوزسیز قارداشیمیز تورکییه ایله بیرگه تنطنهلی حربی وطنپرورلیک بایرامی کئچیریردیک. او گون آذربایجانین اوچ مین حربچیسی ایله بیرگه قارداش اؤلکهنین حربچیلری ده ایزدیهاملی حربی کئچیدده ایشتیراک ائدیردی. ظفر پارادیندا قاضیلریمیز، شهید عائلهلری عضولری، علم-تحصیل، مدنیت-اینجهصنعت خادیملری، یئرلی و خاریجی رسمی قوناقلار، دیپلماتیک کورپوسون نمایندهلری و ب. ایشتیراک ائدیردی. اورادا بیلواسیته ایشتیراک ائده بیلمهیهنلرسه اکرانلار اؤنوندیدی، اصلینده، بوتون دونیا آذربایجانلیلارینین، آذربایجانین وفالی قارداشلارینین، صادق دوستلاریمیزین نبزی آزادلیق میدانیندا ووروردو.
بیز بو گونو چوخ گؤزلمیشدیک؛ بیز بو گونه اینانمیشدیق؛ محض او اینام بیزی بوتون آغری-آجیلاردان، تهدیدلردن و داها نلردن-نلردن کئچیردی، مستجاب اولدو. اینامیمیز نیه اساسلانیردی؟
ایلک نؤوبهده، بیزیم ایشیمیزین حاق ایشی اولدوغونو بیلیردیک. بیلیردیک کی، ایلهام علیئوین پرزیدنتلیینین ایلک گونوندن اوستونلوک وئردیی ان اساس مسئله محض تورپاقلاریمیزین آزاد اولونماسی، اراضی بوتؤولویوموزون برپاسیدیر. بیزه دولت-خالق بیرلییمیز، وطنپرور گنج نسیللریمیز، گونو-گوندن گوجلنهن سلاحلی قوهلریمیز گوج وئریردی، اینام بخش ائدیردی. بو اینام، دونیا ارمنیلیینین اوزون ایللر بینالخالق سوییهده آپاردیغی آنتیآذربایجان سیاستینی دفع ائدجییمیزه، ارمنیستانین چوخ گوجلو حیمایهدارلارینین اولماسینا باخمایاراق، حاقیمیز اولانی آلاجاغیمیزا بسلنهن اینامین اؤزویدو. بو سؤزلری ایندی یازماق آساندیر، آنجاق اعتراف ائدک، ایشغال ایللرینده اینامدا ثابت اولماق، «اینشاللاه گلن بایراملاریمیزی شوشادا کئچیرک!» دیلکلری ایله گور سسله چیخیش ائتمک هئچ ده آسان دئییلدی.
دوشمن هر کئچن گون داها دا آزغینلاشیر، یئنی وانداللیق آکتلاری تؤرهدیر، «یئنی محاربه - یئنی اراضیلر» دئیه اؤز حربی-سیاسی کورسلارینی تلقین ائدیردی. اما آسانلیغیندان-چتینلییندن آسیلی اولمایاراق، محض سارسیلماز اینام بیزی حاقیمیز اولان ظفری قازاناجاغیمیز عالی مقاما گؤتوردو. او عالی مقامی، او گونو بیزیم اینامیمیز، حاق ایشیمیز، دولتین خالقینا، خالقین دؤولتینه درین باغلیلیغی، گنجلریمیزین وطنجانلیلیغی و کایناتین روحو تجاللا ائتدیردی. دؤولت باشچیمیز ایلهام علیئو اوزاقگؤرهنلیکله، زرگر دقیقلیگی ایله، نئجه دئیرلر، یوز اؤلچوب، بیر بیچهرک ان اویغون گون و ساعتدا عکس-هجوم امری وئردی!
البته، بوندان اؤنجه، توووز دؤیوشلری اولموشدو، اوندان اؤنجهلر – ۲۰۱۶-جی ایلده آپرل دؤیوشلری اولموشدو، آنجاق ایشغالچی آغیللانمامیشدی. ۲۰۲۰-جی ایل ۲۷ سنتیباردا ایشغالچی قوشونلار «بارداغی داشیران سون داملا»دان دا چکینمیینجه، محاربه باشلاندی.
بیز اؤز اراضیلریمیزده اؤز گوجوموزه آرخالاناراق، ساواشارکهن ائرمنیستانین آرخاسیندا اننوی موتتفیقلری و دونیا ائرمهنیلیگی واردی. اوستهلیک، ایشغالچیلار اوچ اونیللیک بویو ائله مؤهکملنمیش، ائله مؤقعلرده مدافعه اولونماق ایمکانلاری الده ائتمیشدیلر، بیزیم قلبهمیز دوشمهن اوچون رئال گؤرونموردو و مومکون ایرلیلییشلر ده چوخ اوزون مدت و چوخسایلی ایتکیلرله باشا گله بیلردی. آنجاق آذربایجانین شانلی سلاحلی قوهلری اؤز آلی باش کوماندانینین، خالقیمیزین ائتیمادینی دوغرولداراق مومکون اولمایانی مومکون ائتدی، کئچیلمز سدلری کئچدی، ایشغالچیلاری یوردوموزدان ایتی قووان کیمی قوودو! ایندی حربی قنیمتلر پارکیندا جانلاندیریلان (نوماییش اولونان) «اوهانیان ختتی»نی یاریب کئچمک اؤزو هر هانسی بیر اوردو اوچون قودرتین ایفادهسی ساییلاردیسا، آذربایجان اوردوسو او بدنام ختتی ایلدیریم سرعتی ایله یاریب کئچدی و ایشغالچیلاردان فرقلی اولاراق بیر گون بئله گئری چکیلمهدن، بیر عسگری بئله فراریلیک ائتمهدن، مولکی شخصلره و اوبیئکلره آتش آچمادان – دؤیوش میدانیندا لیاقت گؤسترهرک هر گون ایرلیلهدی! مورووداغ یوکسکلیکلری، تالیش، سوقوووشان، جبراییل، آغوغلان (هادروت)، فضولی، زنگیلان، قوبادلی، لاچینین کندلری، شوشا و داها نئچه-نئچه یاشاییش منطقهسی جمعی ۴۴ گون ایچینده آزاد اولوندو! شوشا ظفریندن سونرا ائرمنیستانین اؤز اوزرینه گؤتورمهیه مجبور قالدیغی اؤهدهلییه اویغون اولاراق آغدام، کلبجر، لاچین دا ۲۰ نویابر، ۲۵ نویابر و ۱ دئکابردا بایراغیمیزین ایشیغینا قرق اولدو، اوردوموزون آددیملاری ایله دینجلدی.
باخ، ظفر پارادی بوتون بو وورغولانانلار دا داخیل اولماقلا، محاربهده قیزیل لیاقت گؤسترمیش اوردونون لیاقت پارادییدی. هر اوردو محاربهده قیزیل لیاقت گؤسترمیر، عکسینه محاربه جینایتلری تؤرهدن اوردولار وار. – بیز محض سایسیز-حسابسیز محاربه جینایتلری تؤرتمیش دؤولته، واندالیزمی دؤولت سیاستینه چئویرمیش اؤلکهیه قالیب گلمیشیک! بیزه ظفر پارادی چوخ یاراشیردی و موزففر آلی باش کوماندانیمیز قارداش اؤلکهنین جومهورباشقانی رجب تایییب اردوغانلا بیرگه بو پارادین راپورتونو قبول ائتدی، قالیب اوردونون، قارداش اوردو منسوبلارینین نیزاملی کئچیدینی، حربی قودرت نوماییشینی ایزلهدی.
او تاریخی آنلارا شاهیدلیک ائتمک بیزیم نسلین بختیارلیغیدیر! بیز خوشبخت اینسانلاریق کی، حاقین نازیلسه ده، اوزولمدیینه شاهید اولدوق! شاهید اولدوق کی، ظفرین رمزی عزیز شوشا شهری آزاد ائدیلدیکدن سونرا، آذربایجان حربچیلری طرفیندن داغلار اینجیسی اوزرینده قالدیریلان ظفر بایراغی پارادا گتیریلیب!
پاراد البته، حربی گوجون نوماییشیدیر. ظفر پارادیندا ۱۵۰-دک حربی تئکنیکا، او جملهدن اوردوموزون سلاحلانماسینا یئنی قبول ائدیلمیش چاغداش حربی تئکنیکا، راکئت و آرتیللئرییا قورغولاری، هاوا هوجوموندان مدافعه سیستئملری، ائلجه ده حربی گمی و کاتئرلر نوماییش ائتدیریلدی. اؤزللیکله، دؤیوشلرده حربی قنیمت کیمی اله کئچیریلمیش ائرمنیستان سلاحلی قوهلرینه مخصوص حربی تئکنیکانین بیر قیسمی ده ظفر پارادیندا نوماییش اولوندو. ائرمنیستان حربی-سیاسی رهبرلیینه داخیل اولان یوکسک چینلی شخصلر مسولیتسیز بیاناتلار وئریردی کی، یئنی محاربه باشلاسا، تانکلاریمیز باکییادک گئدهجک – دئدیکلری کیمی ده اولدو، آنجاق بیر واجیب فرقله: او تانکلار و دیگر حربی تئکنیکا محض حربی قنیمت اولاراق باکییا داخیل اولدو و بیر قیسمی ختای رایونو، ۸ نویابر پروسپئکتیندهکی اونیکال حربی قنیمتلر پارکیندا سرگیلهنمکدهدیر...
ظفر پارادیندان ایشتیراک ائدن حربچیلریمیزین بیر چوخو او پارادا یئنی ایستاتوس و تلتیفلرله گلمیشدی: آذربایجان پرئزیدئنتی، موزففر آلی باش کوماندانین پاراددان اؤنجه وئردیی سرهنجاملا وطن محاربهسی قهرهمانی یوکسک آدی ایله، گئنئرال روتبهسی ایله، «ظفر»، «قاراباغ» اوردئنلری ایله تلتیف اولونموش حربچیلریمیزین بیر حیسهسی پاراددا ایشتیراک ائدیردی. قورور اوسته قورور، فرح اوسته فرح گلمیشدی، آذربایجان بایرام ائدیردی. بو بایرام یالنیز آذربایجانین دئییل، حاقین ناهاق اوزرینده قلبهسینه سئوینهن هر کسین بایرامییدی. اصلینده، کئچمیش زاماندا دانیشماق، یازماق ایستمزدیم – چونکی ظفر پارادی ایکی ایل اؤنجه کئچیریلسه ده، ایکی ایل اؤنجهده قالماییب؛ او گونون معنوی ائنئرژیسی بو گون ده بیزی ساریر، او گوندن آلدیغیمیز ایلهام گؤزوموزه ایشیق، قلبیمیزه فرح، بؤیوک گلجییمیزه بؤیوک اینام وئرمکدهدیر.
بیز لیاقتله ساواشماغی، لاییقلی ظفر چالماغی، اسالتلی بایرام کئچیرمیی ده باجاریریق، سوله اوچون، بیرگه یاشاییش اوچون، مئهریبان قونشولوق اوچون ده دیانت گؤستره بیلیریک.
بیز گلهجهیه باخماغا، قافقازدا امین-آمانلیق اوچون چالیشماغا هازیریق، بؤلگهمیزده، آوراسییادا، دونیادا امکداشلیق روحو ایله فعالیت گؤستهمهیه قادیریک؛ آنجاق بالاجا و مغلوب ائرمنیستان، دالان ائرمنیستان رئوانشیزمدن قطعی شکیلده ال چکمهلیدیر، تئررورو، واندالیزمی، سئپاراتیزمی دؤولت سیاستی اولماقدان چیخارمالی و بیرمهنالی رد ائتمهلیدیر. یوخسا... یوخسا نه اولاجاغینی پوستموهاریبه دؤوروندهکی سرحد توققوشمالاریندا آلدیقلاری قوتلی درسله گؤردولر هر حالدا. اونوتماسینلار،
دمیر یومروق یئریندهدیر!
دؤولتیمیز وار اولسون!
