آ.ان.اس شیرکتلر قروپونون رهبری واحد مصطفی‌یئو قران‌دان اقتباس گتیره‌رک، اسلام‌دا قادینلارین چارشابا بورونمه‌سینین واجیب اولدوغو باره‌ده ادعالاری تکزیب ائدیب. او قید ائدیب کی، قران‌دا قادینلارا یالنیز سینه‌لری و نامحرم یئرلرینی اؤرتمک توصیه ائدیلیب، آنجاق قادینین تام بورونمه‌سی باره‌ده هئچ بیر آیه یوخدور.

واحد مصطفی‌یئوین بو فیکری جدی مذاکیره‌لره سبب اولوب.

موضوع ایله باغلی Kult.az-آ دانیشان الاهیات‌چی الشاد میری دئییب کی، باش اؤرتوسو آنلاییشی اسلامین گتیردیی بیر المنت دئییل:

«خریستیانلارا باخسانیز، راهبه‌لر ده اؤرتونور. ایسرایله گئتسه‌نیز، اورادا اولان اجنبی قادینلارین داها قطعی شکیل‌ده اؤرتولدویونه شاهد اولاجاقسینیز.

مسلمانلارین یاشادیغی بعضی اؤلکه‌لرده بو، تاریخی بیر عنعنه ایدی. بو، اسلامین گتیردیی عنعنه دئییل.

قران‌دا «عرف» و «نور» سوره‌لرین‌ده بو حاق‌دا قید اولونوب. اوردا دئییلیر کی، موجود اولان اؤرتوکلرینی اؤرتونسونلر. یعنی یئنی بیر اؤرتوک اؤرتولمه‌سی، یاخود اول‌لر باشی‌اچیق گزدیکلری بیلدیریلمیر. ایسلام‌دا اساس ماهیت ندن عبارتدیر؟ اؤرتونمه - ساده‌جه اولاراق قادینلارین اؤرتونمه‌سی ایله باغلی دئییل. کیشیلرین اؤزلرینین پاکلانماسی، گؤزلرینین اؤرتونمه‌سی ایله باغلیدیر. بونا گؤره ده حجاب آنلاییشینین بئله تقدیم اولونماسی دوزگون دئییل. بو، قادینلارین اؤزلرینین سئچیمیدیر و اونلارین سئچیمینه هر کس حؤرمتله یاناشمالیدیر»، - الاهیات‌چی بیلدیریب.