بو گون گونئی آذربایجانلی ساتیرا اوستاسی حمید آرش آزادین دوغوم گونودور.
Kult.az خبر وئریر کی، او، ۱۹۴۸-جی ایلین ۲۵ دکابریندا تبریزین قدیم محلهلریندن اولان کوره باشی محلهسینده دونیایا گلیب.
اختصاصجا معلم اولان یازیچی، شاعر و ساتیراچی، خصوصیله گونئی آذربایجان مئدیاسی و ساتیریک ادبیاتینین قاباقجیل شخصیتلریندن بیری اولوب.
اثرلرینین چوخونو آذربایجان تورکجهسینده یازان و بوتون محدودیتلره باخمایاراق ۴۰ ایل مئدیا ساحهسینده آذربایجان دیلینی یاشادان گؤرکملی ضیالی بیر نئچه کیتابین مؤلفیدیر.
اساس مئدیا فعالیتینی تبریزده نشر اولونان "فروغ آزادی" قزئتی، تهراندا نشر اولونان ساتیریک "گلآغا" درگیسی ایله داوام ائتدیرهن آرش آزاد "گول اوغلان"، "قیزیلباش"، "بیلربیی"، "خان دایی"، "آراز"، "کوره باشی اوشاغی" و باشقا امضالارلا یوزلرله مقاله چاپ ائتدیریب.
او، همچینین "امین" قزئتی و «اعتماد» قزئتینین ساتیریک خصوصی بوراخیلیشی ایله امکداشلیق ائدیب. حمید آرشآزاد ۵-جی «آنامین یایلیغی» فستیوالینین کاتیبلیگی طرفیندن آذربایجانین مدنیت و ادبیاتینین ان یاخشیلاری آراسیندا سون ۹۰ ایلین ایکینجی ان یاخشی ساتیریک یازیچیسی سئچیلیب.
همید آرش آزادین اؤلوموندن آز اؤنجه "اوخونو آت، یایینی گیزلت" و "جیزیغیندان چیخما" ساتیریک شعیرلر کیتابی نشر ائدیلیب.
ساتیریک شاعر ۱۴ آوقوست ۲۰۱۰-جو ایلده تبریزده اورک چاتیشمازلیغی و آغجیر خستهلییندن دونیاسینی دییشیب.
حمید آرش آزادین قیش آیلاریندا تبریزدهکی وضعیته اشاره ائدن ساتیریک شعیرینی تقدیم ائدیریک:
"شهریمیزه قیش گلدی
قار گلدی یاغیش گلدی
خیاوانی سئل باسدی
آیاغا قالوش گلدی
قیش گلیبدیر تبریزه
قار چاتیر ایندی دیزه
مسئوللار آیین-شایین
چونکی قار یاغماز میزه (ماسایا)
سویوقدان توتولور دیل
اوشاقلار اولموش سفیل
ساعت ۱۰-دا دئییرلر
مکتبلر اولسون تعطیل!
ماچین قالیبسا قاردا
دئمه، مسئوللار هاردا؟
عزیز قارداش! آزجا دؤز
یول آچیلار باهاردا!"