آذربایجان‌دا، ائل‌جه ده، خاریج‌ده یاشایان بیر چوخ آزربایجانلینین ماراقلاندیغی مؤوضوعلاردان بیری گونئی آذربایجان‌دا چکیلمیش فیلملرین دیلی و مؤوضوعسودور.

Axar.az گونئی آزربایجان‌دا آنا دیلین‌ده چکیلمیش بیر نئچه فیلم حاقین‌دا قیسا معلومات و باخماق اوچون لینکلری تقدیم ائدیر.

«سارای» فیل‌می (۱۹۹۷)

سارای فیلمینین رژیسورو یدوللاه صمدی‌دیر (۱۹۵۲-۲۰۱۸). بو فیلم‌ده آذربایجانین مدنیتینه، اؤزل‌لیکله فولکلورونا گئنیش یئر وئریلیب. فیلمین موسیقی‌سی گؤرکم‌لی صنعتکار چینگیز مهدیپورا عاییددیر. بو فیلم‌ده «آپاردی سئللر سارانی» ماهنی‌سینی دا سسلندیریلیب. او دؤورده تورکجه فیلم چکمک قاداغان ائدیلدیی اوچون فیلم فارسجا چکیلیب، سونرادان آذربایجان تورکه‌جه‌سین‌ده دوبلیاژ ائدیلیب.

«سارای» فیلمینی بورادان ایزلیین:

«وصال گونلری» فیلمی (۱۹۹۷-۱۹۹۸)

«وصال گونلری» فیلمی رضا سایمانین تام‌متراژلی فیلمی‌دیر. بو فیلم کینوتئاترلاردا اکرانا چیخماسا دا، ایرانین رگیون تلویزییالاریندا یاییملاندی و بیرینجی تام‌متراژلی گونئی آذربایجان کینوسو کیمی تاریخه دوشدو. «وصال گونلری» فیلمی آذربایجانین ایکییه بؤلونمه‌سینین آذربایجانلی عائله‌لره تأثیریندن بحث ائدیر.

«وصال گونلری» فیلمینی بورادان ایزلیین:

«ائو» فیل‌می (۲۰۱۶)

«ائو» فیلمینین رژیسورو عسگر یوسیفی نژاددیر. ۲۰۱۶-جی ایلده چکیله‌ن بو فیلم ایران کینوتنقیده‌چیلرینین ده دقتینی چکمیشدی. فیلم‌ده آذربایجانین گؤرکملی صنعتکاری حسن مممدوو باش رولدا اشتراک ائدیب. بو فیلم تبریزده آذربایجان تورکچه‌سین‌ده فارسجا آلت یازی ایله چکیلیب. فیلمین قهرمانلاری اؤلن آتالارینی دفن ائتمک ایستییرلر، لاکین اؤیره‌نیرلر کی، آتالاری اؤز جسدینی طبی تدقیقات اینستیتوتونا باغیشلاماغی وصیت ائدیب. گونئی آذربایجان‌دا سس-کویه سبب اولان بو فیلم بیر نئچه مکافاتا لاییق گؤرولوب.

«ائو» فیلمینی بورادان ایز‌له‌یه بیلرسینیز:

«حیوان» فیلمی (۲۰۱۷)

حیوان فیلمینین رژیسورلاری بهرام و بهمن ارک قارداشلاریدیر. بو ۱۵ دقیقه‌لیک قیسامتراژلی فیلمده بیر نفرین قوچ دریسی گئیینه‌رک سرحددی کئچمه‌سی تصویر ائدیلیر. «حیوان» فیلمی ۲۰۱۷-جی ایلده کان فیلم فستیوالین‌دا ایکینجی یئری توتوب.

«حیوان» فیلمی حاقین‌دا بو لینکدن اؤیره‌نمک اولار:

«کؤمور» (۲۰۱۸)

«کؤمور» فیلمینین سناریستی و رژیسورو ایسماییل منصف‌دیر. آذربایجانین سرحد کندلرین‌دن بیرینده کؤمورچولوکله مشغول اولان عائله‌نین اوغلو زیندان‌دان آزاد ائدیلدیکدن سونرا آذربایجان رسپوبلیکاسینا قاچیر. اساس حادثه‌لر بوندان سونرا باشلاییر.

«کؤمور» فیلمینی بورادان ایز‌له‌یه بیلرسینیز:

«دری» فیلمی (۲۰۱۹)

بو فیلمین ده رئژیسورلاری بهرام و بهمن ارک قارداشلاریدیر. تورک میفولوگییاسینا اساس‌لانان بو اوزون مئتراژلی فیلم ایرانین «فجر» فستیوالین‌دا ایکی کاتقورییادا: «ان یاخشی فیلم» و «ان یاخشی فیلم موسیقی‌سی» مکافاتلارینی قازانیب. «دری» فیلمی قورخو ژانریندادیر.

«دری» فیلمینی بورادان ایز‌له‌یه بیلرسینیز:

«آرپاچایی آیری‌لیق نغمه‌سی» (۲۰۱۹)

«آرپاچایی آیری‌لیق نغه‌مه‌سی» فیلمینین رئژیسسورو علی ابدالی‌دیر. بو فیلم‌ده گونئی آذربایجان‌لی بیر قیزلا قوزئی آذربایجان‌لی سرحدچی اوغلان آراسین‌دا یاشانان سئوگی‌دن بحث ائدیلیر. بو فیلم‌ده گونئی‌لی مشهور آکتیور هادی ایفتیخارزاده ایله یاناشی، قوزئی آذربایجان‌دان اولان آکتیور امراه داداشوو دا یئر آلیب. فیلمین موسیقی‌سینی عالیم قاسیموو ایفا ائدیب.

«آرپاچایی آیری‌لیق نغه‌مه‌سی» فیلمینی بورادان ایز‌له‌یه بیلرسینیز:

«قوجالار اؤلمور» فیلمی (۲۰۱۹)

بو اثر اردبیللی گنج رژیسسور رضا جمالینین ایلک تام مئتراژلی فیلمی‌دیر. بو فیلمه یاپون مدنیت فوندو «آسییانین روحو» مکافاتینی وئریب. فیلم‌ده صفالی بیر کندده اوزون مدت هئچ کیمین اؤلمدیی کندلیلرین حیاتیندان بحث ائدیلیر. بو فیلم ۹-جو آوسترالییا-ایران فیلم فستیوالینین سونوندا مونصیفلر هئیتینین خصوصی مکافاتینی قازانیب. «قوجالار اؤلمور» فیلمی همچینین، ایسپانییادا کئچیریلن «بارسلونا آسییا فیلملری فستیوالی»ندا «ان یاخشی سناری» مکافاتینا لاییق گؤرولوب.

«قوجالار اؤلمور» فیلمینی بورادان ایز‌له‌مک مومکوندور:

«ترلان» فیلمی (۲۰۲۰)

«ترلان» فیلمینین سناریست و رژیسورو سید محمد حسینی‌دیر. ۲۰۲۰-جی ایلده اونلاین اولاراق یاییم‌لانان «ترلان» فیلمین‌ده جاناوار سوروسونون تهدیدینی چوبان‌لیق تجروبه‌سینه گؤره اؤنجه‌دن کند اهالی‌سینه بیلدیره‌ن ترلانین باجاریغین‌دان سؤز آچیلیر. کند اهالی‌سی ترلانین غیری-عادی گوجه مالیک اولدوغونا اینانیر و اوندان معجزه و شفا گؤزلییر.

«ترلان» فیلمی حاقین‌دا بورادان ایز‌له‌یه بیلرسینیز:

«آتابای» فیلمی (۲۰۲۱)

«آتابای» فیلمینین رژیسورو ایران‌دا مشهور آذربایجان‌لی آکتریسا نیکی کریمی‌دیر. بو فیلم حاضردا گونئی آذربایجان کینوتئاترلارین‌دا نماییش ائتدیریلیر. «آتابای» فیلمی ایران‌دا ان چوخ بیلتی ساتیلان و ان چوخ باخیلان فیلملردندیر. حال-حاضردا بو آکتریسا و کینو رژیسورو ایران حکومتینین اعتراضچیلارا قارشی آمانسیز داورانیشینا گؤره، هر ایکی ساحه اوزره فعالیتینی و بو ساحه‌ده باغلادیغی بوتون آنلاشمالارینی لغو ائدیب. «آتابای» فیلمی هله‌لیک اونلاین ساتیشدا دئییل.

«آتابای» فیلمی حاقین‌دا بورادان ایزلیین: