روسییانین باش آسترولوگو تامارا گلوبا ۲۰۲۳-جو ایل اوچون پروقنوز وئریب (پیش‌بینی ائدیب).

Kult.az خبر وئریر کی، تامارا گلوبا ۱۹۸۰-جی ایللرین یئنی‌دنقورماسینی، ۲۰۱۰-جو ایلده روسییادا باش وئره‌ن یانغینلاری، بیرینجی چچن محاربه‌سینین باشلادیغی گونو و ۲۰۱۸-جی ایلده دونیا چمپیوناتینین روسییادا کئچیریلجیینی پروقنوزلاشدیران مشهور آسترولوگدور.

او بیلدیریب کی، دووشان ایلی چتین، ائنیش-یوخوشلارلا دولو اولاجاق. آنجاق ناراحاتلیقلارا باخمایاراق، جسارت مکافاتلاندیریلاجاق و و اؤز اطرافین‌دا گوجلو و آهنگدار بیر دونیا قورماق باجاریغی زامانین تلاطمونو دفع ائتمه‌یه کمک ائد‌جک.

اکسپرت ترور آکتلاری اولاجاغی ایله باغلی خبردارلیق ائدیب:

«بورادا ترور آکتلاری تهلوکه‌سی، یئنی ایل اطرافین‌دا پارتلاییش تهلوکه‌سی وار. بو حادثه‌لرله باغلی هر شئی‌ده دقتلی اولماق لازیم‌دیر. اساس اودور کی، بیر-بیرینیزله دانیشیقلار آپارین و بیر-بیرینیزی هارادا تاپاجاغینیزی بیلین. آییق-ساییق اولماق چوخ واجیبدیر، چونکی بو وضعیت چوخ قیسا اولاجاق. حرکته جدی محدودیتلر قویولاجاق، بونا باخمایاراق، بوتون دونیادا میقراسییا چوخ شدتله آرتاجاق».

او بیلدیریب کی، ۲۰۲۳-جو ایلین بیرینجی یاریسین‌دا گئدیش-گلیش نیسبتا آسان اولاجاق، ایکینجی یاریسین‌دا ایسه خصوصیله روسییادان چیخماق، دولتلر آراسیندا گئدیش-گلیش چوخ چتینلشه‌جک:

«گلن ایل ایسرایل اؤزونو میقراسییادان و لازیم‌سیز اینسانلاردان فعال شکیلده مدافعه ائد‌جک. چین ده ساغ قالماق اوچون اؤزونو قاپایاجاق. والیوتا دالغالانمالاری اولاجاق، ۲۰۲۳-جو ایلین ایکینجی یاریسین‌دا روسییادا دلار اوجوزلاشاجاق. آوروپا قیش‌دا ان چتین گونلرینی یاشایاجاق. ایلین اورتاسین‌دا او، رئوانشا جهد ائد‌جک. بو، آوروپایا برپا اولونماغا امکان وئره‌جک. آلمانییا دانیشیقلاردا چوخ بؤیوک رول اوینایاجاق. و آوسترییا دا. سکاندیناوییا اؤلکه‌لری ایلین ایکینجی یاریسین‌دا اؤزلرینی حس ائتدیره‌جکلر».

اکسپرت دئییب کی، ۲۰۲۳-جو ایلده نووه ساواشی اولمایاجاق: «بونونلا بئله، نووه سیزماسی منکن‌دور. مناقیشه‌لرین دیپلماتیک یوللا حلی و صولح مقاویله‌لرینین امضالانماسی احتیمالی ایلین اورتالارین‌دا - ایون‌دا میدانا چیخاجاق. بئله بیر مقام مارت آیین‌دا دا اولا بیلر. اما بو، موقتی آتشکس اولاجاق. اوکتیابرین اورتالارین‌دان بوتون دونیا اهمیتلی مادی چتین‌لیکلرله اوزلشه‌جک».

بو ایلین «یارادیجیلیق ایلی» اولدوغونو قید ائد‌ن آسترولوگ اینسانلارین عائله قورماغا و اوشاق دونیایا گتیرمه‌یه هوسلنجیینی ده وورغولاییب.