شرقی آذربایجانین مشهور و سئویم‌لی یئمکلردن اولان «تبریز کوفته‌سی»نی بو ویلایتین اهالی‌سی چوخ دیرلی قوناقلاری اوچون بیشیریرلر.

Axar.az خبر وئریر کی، بو عنعنوی یئمک ۲۱ مارت ۲۰۱۸-جی ایلده غیری-مادی ارث کیمی قیده آلینیب.

عنعنوی «تبریز کوفته‌لری» حاضیرلاماغین تفرعاتلاری، یئمیین مدنی دیرلری و ایستاتوسو حاقین‌دا شرقی آذربایجانین غیری-مادی ارثینین قیدیاتی اوزره مسئول شخص علی فلسفی میاب ایسنا-یا دانیشیب.

«تبریز» کوفته‌سی شرقی آذربایجان ویلایتینین مدنی یئمکلریندن بیریدیر، بو یئمک بو ویلایتین هر ائوین‌ده بیشیریلیر و بو بؤلگه‌نین قیمتلی یئمکلرین‌دن بیری کیمی میللی میقیاس آلمیشدیر. "تبریز کوفته‌سی" قیش‌دا، و بایراملاردا حاضرلانیر. بلکه باشقا شهرلرده ده بیشیریلیر، اما آدیندان دا گؤروندویو کیمی تبریزین یئمیی‌دیر و بیشیریلمه اصولو، گؤرونوشو ایله دیگر شهرلردن فرق‌لی‌لیکلری وار. تبریزین کوفته‌لری عادتا ایری اؤلچوده حاضرلانیر، اورادا ایستیفاده ائدیلن ات اویودولمک عوضینه داش و یا تاختا هونگ دسته ایله دؤیولور. کوفته‌نین ایچریسینه قاینادیلمیش یومورتا قویولور.

تبریز کوفته‌سینین حاضرلانماسین‌دا ایستیفاده ائدیلن دیگر اساس ماده‌لر ایسه باشقا بؤلگه‌لرده ده ایستیفاده ائدیله‌ن نوخود لپه‌سی، آلچا، عطیرلی تروزلر، زیرینج، دوز و ایستیوت، سوغان، یاغ و ساریکؤکدور».

تبریزلی عائله‌لر بو یئمیی داها چوخ سئودیکلری اوچون بیشیریردییندن بونونلا قوناقلارینا دیر نماییش ائتدیریر، یئمیی شرقی آذربایجان‌دا قوناقپرورلیک دیرلریندن بیری کیمی تقدیم ائدیر.

قید ائدک کی، شرقی آذربایجان ایالتین‌ده تبریزی کوفته‌سیندن باشقا ۲۸ نؤع‌دن چوخ یئرلی و عنعنوی یئمکلرین حاضرلانما مهارتی و یا اصولو میللی ارث سیاهی‌سین‌دا غیری-مادی ارث کیمی قیده آلینیب.