۲۰ یانوار فاجعه‌سینی آمریکا و روسییا بیرگه تؤردیب.

Kult.az خبر وئریر کی، بو فیکیرلری تاریخچی عالیم زائور علیئو دئییب.

او بیلدیریب کی، ۱۹۹۰-جی ایل یانوارین ۱۸-ده آمریکا کنگرسینین بیر گروپ عضوو اس.اس.ار.ای رهبری میخایل گورباچووا مراجعت ائدیب. مراجعت‌ده یازیلیر:

«بیز ارمنی آزلیقلارین قتلینین، او جمله‌دن بو رگیون‌دا دیگر زوراکیلیق حاللارینین قارشی‌سینین آلینماسی اوچون سیزدن بوتون ضروری تدبیرلرین گؤرولمه‌سینی خواهیش ائدیریک. وطنداش صولحونون برپا اولونماسی ایله یاناشی، اومید ائدیریک کی، اؤز وطنینه گئتمک ایستیی اولان ارمنیلرین بو رگیون‌دان تهلوکه‌سیز کؤچمه‌سینی تعمین ائتمک ده سوت رهبرلیینین مقصدی اولاجاق. اومید ائدیریک کی، سیز همچینین بیر چوخ آمریکالی و دیگر اجنبیلرین ایشله‌مه‌یه داوام ائتدیکلری زلزله زوناسین‌دا قاراباغ و ارمنیستانین اقتصادی بلوکاداسینی آرادان قالدیراجاقسینیز. آذربایجان اهالی‌سینین دهشتلی درجه‌ده حددتله‌نمه‌سی ۱۶۰ مین داغلیق قاراباغ ارمنی‌سینین ارمنیستانلا بیرلشمه‌سینین ضروریلیینی بیر داها اؤنه چکیر. ۷۰ ایل عرضین‌ده آذربایجان حکومتی یالنیز رگیون اهالی‌سینین مدنی حقوقلارینی محدودلاشدیرماغا، هابئله رگیون اهالی‌سینین ۶۰ فایزینی تشکیل ائد‌ن داغلیق قاراباغ ارمنیلرینین اقتصادی دیسکریمیناسییاسینا نایل اولوب. بیز سیزدن تاکیدله خواهیش ائدیریک کی، باش وئرن فاجعه‌نی قاراباغ خالقینین سووت دولتی چرچیوه‌سینده گله‌جک سیاسی و مدنی منصوبیتینی سئچمک حقوقونو تانیماقلا حل ائدسینیز».

عالیم قید ائدیب کی، مراجعتی جون کری ایله یاناشی، سناتورلار پیت اویلسون، پولس سیماک، لارری برکسلر، کلیبورن پلل کیمی شخصلر امضالاییبلار:

«یانوارین ۱۹-دا ایسه مسکوادا آمریکا سناتینین خارجی ایشلر اوزره آلت کمیسییاسینین صدری، سناتور کلیبورن پلل اس.اس.ار.ای-نین خاریجی ایشلر ناظری ادوارد شواردنادزه ایله گؤروشوب. صحبت اسناسین‌دا پئل دئییب کی، سووئت رهبرلیگی آذربایجانا «ارمنی قاراباغی» اوزرینده گله‌جک نظارتی حیاتا کئچیرمه‌یه امکان وئرمه‌مه‌لیدیر: «من آذربایجان‌لیلارین قددارلیغیندان و اس.اس.ار.ای-ده ارمنی تالانلاریندان سون درجه سارسیلمیشام. سووئت حکومتی ارمنی اهالی‌سینین تهلوکسیزلیینی تعمین ائتمک اوچون بوتون تدبیرلری گؤرمه‌لیدیر. سووئت حکومتی همچینین داغلیق قاراباغی آذربایجانین ترکیبین‌دن چیخارمالیدیر. داغلیق قاراباغ اوزرینده گله‌جک نظارتی آذربایجانین الین‌ده ساخلاماسینا اجازه وئرمک وضعیتی داها دا گرگینلشدیرمک دئمکدیر».

بو مکتوبون یازیلما تاریخی و مراجعت بیر فیکره گلمه‌یه اساس وئریر: مسکوا آمریکانین تاکیدی ایله باکییا قوشون یئریده‌رک ارمنیلرین قیصاصینی آلیب! فاجعه‌نین اساس گناهکارلاری تک مسکوا دئییل. واشینگتن دا عینی درجه‌ده گناهکاردیر».

علیئوین سؤزلرینه گؤره، بو ایشین ایرا اولونماسی آمریکادا ارمنی لوببی‌سی و مسکوادا اوتوران ارمنی پرست وظیفه‌لرین سایه‌سین‌ده اولوب؛ روسییا قوشونلارینین باکییا یئریدیلمه‌سینه آمریکایا اؤز تؤهفه‌سینی وئریب:

«بو، قیصاص عملیاتی اولوب و آذربایجانا یئریدیله‌ن اوردو حیصه‌لرینین ترکیبینه ایستاوروپول، کراسنودار و روستوودان سفربرلییه آلینان خصوصی تعلیم کئچمیش ارمنی عسگر و ظابطلری، ائلجه ده سووئت حربی حیصه‌لرین‌ده خیدمت ائد‌ن ارمنیلر، حتی ارمنی کورسانتلار دا داخیل ائدیلیب.

«شیت» تشکیلاتی مستقیل حربی اکسپرتلرینین حساباتین‌دا یازیلیر: «هجومدان اؤنجه عسگرلره دئییلیب: «سیزی باکییا روسلاری مدافعه ائتمک اوچون گتیرمیشلر، یئرلی اهالی اونلاری وحشیجه‌سینه محو ائدیر؛ اکسترمیستلر سالیان کازارماسینین اطرافین‌داکی ائولرین داملاریندا سنایپرلر یئرلشدیرمیشلر. تکجه بو اراضی‌ده ۱۱۰ آتش نقطه‌سی وار؛ بینالار، منزیللر آذربایجان خالق جبهه‌سینین یاراقلیلاری ایله دولودور، اونلار سیزی گوجلو آوتومات-پولمیوت آتشینه توتاجاقلار».

بو ایسه ترپه‌نه‌ن هدفی وورماق آنلامینا گلیر. آداملاری خصوصی قددارلیقلا و یاخین مسافه‌دن گولللمیشلر. بو گونه قدر ده آمریکا و روسییا سیاسی دایره‌لری ۲۰ یانوار فاجعه‌سی ایله باغلی رسمی مؤقع اورتایا قویماییبلار. چونکی ایکی‌سینین ده الی خالقیمیزین قانینا باتیب!»