۱۰:۲۵

بو گوندن آذربایجانین مدنیت پایتاختی شوشا شهرینده حیدر علیئو فوندو و مدنیت حیدر علیئو فوندو و مدنیت ناظیرلیینین تشکیلاتچیلیغی ایله آذربایجانین مدنیت پایتاختی شوشا شهرینده «خاری بولبول» بین‌لخالق موسیقی فستیوالی باشلاییب.

Kult.az خبر وئریر کی، سحر ساعتلاریندا فستیوال پروگرامی اوزره تاماشالارین، اشتراکچی اؤلکه‌لرین صنعتکارلیق نمونه‌لرینین و میللی مطبخینین تقدیماتی اولوب.

قید ائدک کی، فستیوال گونلرینده شهرین مختلیف مکانلاریندا «بایراق»، «قهرمانلیق»، «قاراباغ مجلیسی»، «پوئزیا»، «دده قورقود»، «درویشلر»، «موللا نسرالدین» مؤوضولاریندا گوشه‌لر ده یارادیلیب. بو گوشه‌لرده مختلیف بدیعی تقدیماتلار، تاماشالار گؤستریلیر.

ائلجه ده جیدیر دوزو، عزیر حاجی‌بی‌لینین هیکلینین قارشیسی، بولبولون ائو-موزه‌یی و شوشانین دیگر مکانلاریندا کئچیریله‌جک تدبیرلر چرچیوه‌سینده مختلف کنسرت پروگراملاری، سرگیلر و فیلم نمایشلری اولاجاق.

قید ائدک کی، شوشا شهری ۲۰۲۳-جو ایلده هم ده بین‌لخالق تورک مدنیتی تشکیلاتی (تورکسوی) طرفیندن «تورک دنیاسینین مدنیت پایتاختی» اعلان ائدیلیب. بودفعه‌کی «خاری بولبول» بین‌لخالق موسیقی فستیوالیندا دا تورکسوی-آ داخل اولان اؤلکه‌لر، رگیونون تورک‌دیللی اؤلکه‌لری و خالقلارینین یارادیجی کلکتیولری اشتراک ائدیر.

اوچ گون داوام ائد‌جک فستیوالدا آذربایجانلا یاناشی قازاخیستان، قیرغیزیستان، ماجاریستان، مولدووا رسپوبلیکاسینین قاقاوزیا موختار اراضی قورومو (قاقاوز یئری)، اؤزبکیستان، ائلجه ده اؤزبکیستانین قاراقالپاقیستان مختار رسپوبلیکاسی، روسیا فدراسیاسینین آلتای، خاکاسیا، ساخا (یاکوتیا)، تاتاریستان، تیوا رسپوبلیکالاری، شمالی قبرس تورک جمهوریتی، تورکیه، تورکمنیستان تمثیل اولونور.