پاریسده «انسان موزه‌یی»نده (Musee de l’homme) «پلانتو-رضا: فرقلی باخیشلار» سرگیسینین آچیلیشی اولوب.

Kult.az خبر وئریر کی، آچیلیش مراسمینده آذربایجانین بو اؤلکه‌ده‌کی سفیری لیلا عبدللایئوا، فرانسانین تانینمیش اینجه‌صنعت نماینده‌لری، ژورنالیستلر، صنعت‌سئورلر اشتراک ائدیبلر.

سرگیده «پلانتو» لقبلی رسام ژان پلانتورؤ و آذربایجان اصیللی مشهور فرانسیز فوتوقراف رضا دقتی‌نین فرقلی باخیشلارینی عکس ائتدیره‌ن رسم و فوتولار نمایش اولونوب. ۲۰۱۱-جی ایلده کانن شهرینده «مطبوعات کاریکاتورالارینین بین‌الخالق گؤروشو»نده ایلک دفعه راستلاشان کاریکاتوراچی پلانتو و فوتوژورنالیست رضا بو سرگی واسطه‌سیله تجربه‌لرینی و دنیایا باخیشلارینی بیر آرایا گتیریبلر. بو، مونوخروم کاریکاتورالاردان و تأثیرلی فوتوشکیللردن عبارت هیبرید اثرلرین کسیشدیی سرگیدیر.

محاربه‌نین دهشتینی، رپرسسیانی، سنزورانی گؤرموش بو ایکی شخصدن بیری ایشگه‌نجه‌لرله اوزلشمیش، حبس و سورگون حیاتی یاشامیش، دیگری ایسه اؤلوم تهدیدلری و هجوملارا معروض قالمیشدیر.

سیویلیزاسیامیزین زوراکیلیغی ایله اوزلشه‌ن پلانتو قلم،رضا ایسه کامرا ایله سلاحلانیبلار.

بعضا عینی، بعضا ده ضدیتلی فکرلرده اولان هر ایکی مخبرین هومانیست و بیرلشمیش اثرلری بو گون برابرسیزلیکلری بیر آغیزدان پیسلییر، مناقشه‌لری آرخیولشدیریر.

سرگیده رضا دقتی‌نین ارمنیستانین آذربایجانا قارشی تورپاق ادعالارینی عکس ائتدیره‌ن فوتوسو دا نمایش اولونور. نمایش ائتدیریله‌ن آغدام مسجدینین فوتوسو حاقیندا قید اولونوب: «آغدامدا مسجد زمانین و انسانلارین باسقینلارینا تاب گتیره‌ن یگانه تیکیلیدیر. ارمنیستان سلاحلی قوه‌لری طرفیندن اشغال اولوندوغو ۳۰ ایل مدتده بو مکان واندالیزمه معروض قالمیش، مسجد مال و دونوز تؤوله‌سی کیمی استفاده ائدیلمیشدیر. هر طرفده و هر یئرده وورولموش یارالاری ساغالتماق و صلح اوچون داها چوخ چالیشماق قالیر. بو دینج مکان تاریخه شاهدلیک ائدیر. آذربایجان، ۲۰۲۰».

پانتو ایسه دوستو رضانین سایه‌سینده آذربایجاندا قاراباغ مناقشه‌سی ایله داها دریندن تانیش اولا بیلدیینی قید ائدیب.

«پلانتو-رضا: فرقلی باخیشلار» سرگیسی جاری ایلین دکابرین ۳۱-دک داوام ائد‌جک.