ایراندا آنتی‌سئمیتیزم سیاستینین داوامیندا یهودیلرین ایزلرینین سیلینمه‌سی، اونلارا مخصوص عابده، ایش و یاشاییش یئرلرینین محو ائدیلمه‌سی، یاخود تعییناتی‌نین دییشدیریلمه‌سی حاللاری آرتیب.

Kult.az خبر وئریر کی، بو قبیلدن اولان عابده‌لردن بیری ده تهرانین عودلاجان محله‌سینده یئرلشن و "یهودیلر تیمچه‌سی" کیمی تانینان تیجارت مرکزیدیر.

آغا محمد قاجار دؤورونده تیکیلن و تاریخی عابده ساییلان آدی چکیلن بازار قورولدوغو گوندن یهودیلرین اساس تیجارت مرکزکریندن بیری اولوب.

مختلیف یهودی ایش آداملارینین توپلاشدیغی بازاردا اونلارا مخصوص بانکلار، پول دییشمه و تیجارت اوفیسلری فعالیت گؤستریب.

ایراندا باش وئره‌ن ۱۹۷۹-جو ایل اینقیلابیندان سونرا یهودیلر بازارینین آدی "اکبرییان تیمچه‌سی" اولاراق دییشدیریلیب.

اورادا اولان یهودی ایش آداملارینین بیر چوخو ساختا اتهاملارلا حبس اولونوب، املاکلاری حکومت خئیرینه منیمسه‌نیلیب.

قالان ایش آداملاری و ماغازا صاحبلری ایسه ایراندان چیخماغا مجبور اولوبلار.

آدی چکیلن عابده ۲۰۰۵-جی ایلده تعمیر ائدیله‌رک عنعنوی یئمکلرین وئریلدیی لوکس رستوران کیمی ایستیفاده‌یه وئریلیب.

قید ائدک کی، ۱۹۷۹-جو ایل انقلابیندان سونرا ایراندا یاشایان یهودیلرین اکثریتی اؤلکه‌نی ترک ائتمه‌یه مجبور اولوبلار.

حاضدا ایراندا قالان ۲۰-۲۵ مین جیواریندا یهودیلرین بیر قیسمی کیملیکلرینی گیزلتمک مجبوریتینده قالیر، باشقالاری ایسه داواملی تضییق و آیری-سئچکیلکله اوزله‌شیرلر.