آذربایجان و اس.اس.ار.ای-نین خالق آرتیستی، استعدادلی و اونودولماز بسته‌کار رائوف حاجییئوین بو ایل دوغوم گونونون ۱۰۱ ایللیی تمام اولور. اونون آدی آذربایجان پروفسیونال موسیقیسینه مختلیف مؤوضوعلو اوپرتالاری، بالتلری، «گنجلیک» سیمفونییاسی، ویولین ایله سیمفونیک اورکستر اوچون کنسرتی و بیر-بیریندن گؤزل، بنزرسیز ماهنیلاری ایله داخیل اولوب.

بو سؤزلری Kult.az-آ اوزییر حاجیبی‌لی آدینا باکی موسیقی آکادمییاسینین «موسیقی تاریخی» کافدراسینین معلمی، موسیقی شناس آینور ایسگندرووا آچیقلاماسیندا دئییب.

او، حاجییئوین یارادیجیلیغینین آذربایجان موسیقی مدنیتینین ان پارلاق صحیفه‌لریندن بیری اولدوغونو بیلدیریب:

"بسته‌کار ۲۰-جی عصرین ایکینجی یاریسین‌دا آذربایجان موسیقی مدنیتینین اینکیشافیندا مهم رول اویناییب. حاجییئوین ایلک اثرلری آذربایجان پروفسیونال موسیقیسینین بانیسی اوزییر حاجیبیلینین گنج معلم کیمی اونونلا مشغول اولدوغو ایللره تصادف ائدیر. داهی بسته‌کار اونون فیطری ایستعدادینی یوکسک قیمتلندیریب. بوندان سونرا بسته‌کارین یارادیجیلیغیندا ان آپاریجی ژانر اولان ماهنی ژانریندا بیری-بیریندن گؤزل نمونه‌لر یارانیب: «سامور»، «مینگچئویر»، «گنجلیک مارشی»، «سوگیلیم»، «منیم آذربایجانیم»، «لیریک ماهنی»، «باهار گلیر»، «باکی حاقیندا ماهنی»، «لیلا»، «نفت داشلاریندا»، «جیران» و س. حاجییئوین یارادیجیلیغیندا تئاتر تماشالارینا و فیلملره یازدیغی موسیقی ده چوخ اؤنملی‌دیر. او، ۱۵-ا قدر فیلمه موسیقی یازیب. «احمد هارادادیر»، «من رقص ائد‌جه‌یه‌م»، «بیر قالانین سیرری»، «کؤلگه‌لر سورونور»، «قارا داشلار» و س. بو فیلملرده موسیقی میللیگی، اوبرازلارین صمیمیتی، گؤزل مئلودیکلیگی ایله سئچیلیر".

او بیلدیریب کی، ر. حاجییئوین ایستعدادی عینی زامان‌دا اوپرتا ژانریندا دا پارلاییب.

"بسته‌کارین اوپرتالاری رسپوبلیکامیزدا بو ژانرین یئنی صحیفه‌سینی آچیب. سؤزون اصل معناسین‌دا بو اوپرتالاردا وکال-سیمفونیک، بالت و استرادا صنعتی بیر-بیری ایله عضوی سرعتده اوزلاشیر. «رومیو منیم قونشومدور»، «کوبا- محبتیم منیم»، «دؤردونجو فقره»، «قفقاز اسیری»، «آنا، من ائوله‌نیرم»، «یول آیریجیندا»، «اوردان-بوردان»،- بوتون بو اوپرتالاریندا موسیقی آپاریجی عاملدیر. تقدیره لاییقدیر کی، بو اوپرتالاردان بئشی محض مسکوا دولت اوپرتا تئاترینین صحنه‌سینده تاماشایا قویولوب».