شرقی آذربایجان ایالتینین ورزقان بؤلگه‌سینده یئرلشن تاریخی کروانسارا تمامیله داغیلماق اوزره‌دیر.

Axar.az خبر وئریر کی، بو باره‌ده گونئی‌لی سوسیال مئدیا فعاللاری معلومات و فوتولار پایلاشیبلار.

صفویلر دؤورونده اینشا ائدیلن و آذربایجانین ان بؤیوک تاریخی کروانسارالاریندان اولان تیکیلینین قانونسوز تاریخی اشیا قاچاقمالچیلاری طرفیندن داغیدیلدیغی بیلدیریلیر.

فعاللار تاریخی عابیده‌نین برپاسی و قورونماسی ایله باغلی ایالتین مدنی ارث تشکیلاتینا مراجعت ائتدیکلرینی، آنجاق مثبت جواب آلا بیلمدیکلرینی یازیبلار.

قید ائدک کی، ورزقان کروانساراسی ۱۹ مارت ۲۰۰۷-جی ایلده ۱۸۹۱۲ قیدیات نمره‌سی ایله ایران میللی اثرلری سیاهیسینا سالینسا دا، برپاسینا وسایت آیریلماییب. گونئی آذربایجانین مختلیف بؤلگه‌لرینده، او جمله‌دن تبریزده یوخ اولماق اوزره اولان اونلارلا تاریخی عابیده‌نین برپاسی و قورونماسی ایستیقامتینده ایسه ایرانین مسئول اورگانی هئچ بیر آددیم آتمیر.