گونئی‌لی خاننده، «بین‌الخالق مغام موسابیقه‌سی-۲۰۱۷»-نین لاورئاتلاریندان اولان مجید عصرینین Kult.az-آ مصاحیبه‌سی:

- مجید بی، بیر مدت اؤنجه باکییا گلجیینیزی دئمیشدینیز و گلدینیز.

- باکییا بین‌الخالق اوشاق مغام مسابیقه‌سین‌ده اشتراک ائتمک اوچون گلمیشیک. مایین ۱۸-دن ۲۰-نه کیمی کئچیریله‌جک مسابیقه‌ده بیر چوخ اؤلکه‌دن اشتراکچیلار وار. اونو دا وورغولاییم کی، هر ایل آذربایجانداکئچیریلن بو مسابیقه‌یه تورکییه، ایران، قازاخیستان، ترکمنیستان، اؤزبکیستان‌دان گلیب، قاتیلانلار اولور.

مسابیقه‌ده کیم اشتراک ائد‌جک؟

- ایکی طلبه‌مله گلمیشم: ۹ یاشلی سالار پورمحسنی و ۱۲ یاشلی محسن کریمی. ایستعدادلی اوشاقلاردیر. ۴-۵ یاشیندان اونلارلا مشغول اولور، مغام صنعتینین اینجه‌لیکلرینی اؤیردیرم. ایلک دفعه‌دیر کی، آذربایجانا گلیرلر. چوخ سئوینیرلر. اونلار اوچون باکی ماراقلی اولدو.

بیر زامانلار اؤزونوزون اشتراکچی‌سی اولدوغونوز مغام موسابیقه‌سینه بو گون طلبه‌لرینیزله گلیرسینیز. حیسسلرینیز ماراقلی‌دیر...

- اؤزوم مغام موسابیقه‌سیندن بؤیوک بیر یول کئچمیشم. یاشیم آز اولسا دا، تجروبهم وار. البته، خاطره‌لریمدن، اوستادلاریمدان، تجروبه‌لریمدن، اؤز طلبه‌لریمه بحث ائدیره‌م. دوزگون صحنه مدنیتیندن، ایفاچیلیق مهارتیندن، پئشه‌کارلیقدان دانیشیب، بیرگه مذاکیره‌لر آپاریریق. اونلاری دوغرو ایستیقامتلندیرمه‌یه و هوسلندیرمه‌یه چالیشیرام.

عمومیتله، موغام موسابیقه‌سی حاقین‌دا نه دوشونورسونوز؟

- بو موسابیقه‌لر چوخ اؤنملی‌دیر. گلجییمیزده اهمیتلی رول اوینایا بیلیر. کیملییمیز و مدنیتیمیزین قورونماسیندا بو تیپ مسابیقه‌لرین اولماسی واجیب‌دیر. ۲۰۱۷-جی ایلده مجید عصری مسابیقه‌یه قاتیل‌دی و بورادا ۳-جو یئر قازاندی. ایرانا قاییدیب مغام تدریس ائتدی. بو هامیسی مغام مسابیقه‌لرینین میوه‌سی‌دیر. دونن مسابیقه‌ده اوغور قازانان گنج اؤز یئرینی گنجلره، اوشاقلارا وئریر. بئله‌لیکله، مغام صنعتیمیز یاشاییر و نسیلدن-نسله اؤتورولور.

مغام اوستادلاریمیزدان مصلحت آلیرسینیز؟

- مغام اوستادلاریمیزدان هر زامان مصلحت آلمیشیق. ایندی ده آلیرام. اونلارین فیکیرلری بیزیم اوچون چوخ اؤنملی‌دیر. حاضردا آصف زیناللی آدینا موسیقی کولجینده موسابیقه اؤنجه‌سی مشقلریمیز داوام ائدیر. بورادا معلملر بیزی گؤزل قارشیلادیلار. هوسله زامان آییریر، بیلدیکلرینی نه مندن، نه ده اوشاقلاردان اسیرگییرلر.

رپرتواری معینلشدیرمیسینیز؟

-ماهنی سئچی‌می حاقیندا دانیشماق هله تئزدیر. بونو مسابیقه‌ده چیخیشیمیز زامانی تاماشاچیلار و مونصیفلر هئیتی گؤروب، دیرلندیره‌جکلر.

موسیقی یاریشماسین‌دا طلبه‌لرینیزله باغلی گؤزلنتیلرینیز ندیر؟

- اوشاقلارلا بیرگه چوخ چالیشمیشیق. پسیخولوژی باخیمدان دا اوشاقلارین اوزرین‌ده دایما ایشلییرم. تکجه مغاملا باغلی دئییل، حیاتلاریندا دا ایناملا یاشامالاری و اؤزلرینه گووه‌نمه‌لری اوچون اونلارا دستک اولورام. نه زامان‌سا بؤیوک شخصیتلردن و داهیلردن بیری اولاجاقلارینا اینانمالارینی ایستییرم. اؤزوم ده اوشاقلیقدان بو اینانجلارلا یاشامیشام. ایندی باجاردیقجا، اؤز ایستعدادلی طلبه‌لریمه بونو آشیلاماغا چالیشیرام. قلبه‌میزه و اوغور قازاناجاغیمیزا اؤنجه‌دن امینه‌م. چونکی مسابیقه‌یه چوخ یاخشی حاضیرلاشمیشیق. زحمت چکمیشیک. من حتی هر ایکی طلبه‌مین یئر قازاناجاغینا اومیدلییه‌م.

Посмотреть эту публикацию в Instagram

Публикация от müğam_dunyasi (@mugam.dunyasi)