بو گون میکاییل مشفیقین آنادان اولماسین‌دان ۱۱۵ ایل اؤتور.

بو گون رپرسییا ایللرینین قربانی، آذربایجانین اونودولماز ادبی سیمالارین‌دان اولان میکاییل مشفیقین آنادان اولماسین‌دان ۱۱۵ ایل اؤتور.

Kult.az خاطیرلادیر کی، او، ۱۹۰۸ – جی ایل ایون آیینین ۵-ده باکی‌دا آنادان اولوب.

آتاسی میرزه عبدالقادیر ایسماییل‌زاده تانینمیش ضیالیلاردان بیری اولوب. والیدینلرینی ائرکه‌ن ایتیره‌ن مشفیقین شاعر کیمی یئتیشمه‌سینده ننه‌سی قیزقاییت خانیم بؤیوک رول اویناییب.

یارادیجی‌لیغینا ۱۹۲۶-جی ایلده «گنج ایشچی» قزئتین‌ده چاپ ائدیله‌ن «بو گون» شعیری ایله باشلایان شاعرین آرد-آردا بیر چوخ کیتابلاری نشر ائدیلیب.

اوشاق ادبیاتینا خصوصی اؤنم وئرن میکاییل مشفیقین یارادیجیلیغین‌دا «شنگول، شونگول، منگول»، "کندلی و ایلان» ناغیللاری، «ووروشمالار»، «قایا» پویمالاری، «جغرافییا»، «مکتبلی شرقیسی»، «زهرا اوچون» و دیگر شعیرلره راست گلمک ممکوندور.

۱۹۳۷-جی ایلده چاپ اوچون «چاغلایان» آدلی کیتابینی حاضرلایان شاعر اورایا ان قیمتلی شعیرلرینی داخیل ائتسه ده، اونو چاپ ائتدیره بیلمه‌ییب.

۳۷-جی ایل رپرسییاسی میکاییل مشفیق‌دن ده یان کئچمه‌ییب و او دا دیگر صنعت دوستلاری کیمی حبس اولونوب. ۱۹۳۸-جی ایل یانوارین ۵-ده اس.اس.ار.ای عالی محکمه‌سینین قراری ایله گوله‌لنیر. ۱۹۵۶-جی ایلده ایسه حربی کولگییانین قرارینا اساساً اؤلوموندن سونرا براعت قازانیر.

آذربایجان خالقی اؤز شاعرینی هئچ واخت اونوتمور. ۷ مای ۲۰۱۹-جو ایل تاریخین‌ده میکاییل مشفیق آذربایجان رسپوبلیکاسین‌دا اثرلری دؤلت واریداتی اعلان ائدیلن مؤلفلر سیاهیسینا داخیل ائدیلیر.

میکاییل مشفیقین "منی گؤزل خاطیرلا» شعیرینی تقدیم ائدیریک:

«منی گؤزل خاطیرلا…
بونلار سون میصراعلار…
فرض ائت کی، بیر کولک ایدیم، اسیب کئچدیم حیاتین‌دان،
یا دا بیر یاغمور، سئل اولدوم چؤللرده.
سونرا تورپاق چکدی سویو جانینا
یوخ اولوب گئتدیم، بلکه رؤیا ایدیم سنین‌چون
اویاندین و من بیتدیم.

منی گؤزل خاطیرلا،
چونکی سئودیم سنین من هر شئیینی
سنه سیرداش اولدوم، دوست اولدوم
قوینوم‌دا آغلادین…

اوزونه وورمادیم هئچ بیر نقصانینی
منی اوزدون، قینامادیم.
آلیشمیشدیم وفاسیزلیغا، ائل اولدون آلدیرمادیم.
منی گؤزل خاطیرلا…

صحیفه‌لرجه مکتوب بوراخدیم سنه،
شعیرلر یازدیم هر گئجه چوخونو اوخوتمادیم.
ساخلادیم گناهینی، ثوابینی ایچیمده، سس‌سیزجه گئتدیم
سن‌دن اولکیلر کیمی سن ده باشا دوشمدین.
منی گؤزل خاطیرلا…

سنه اونودولماز گئجه‌لر بوراخدیم
سنه ان یورغون صاباحلار
گولوشومو، گؤزلریمی، سونرا سسی‌می بوراخدیم.
سؤیلنممیش »سلاملار» بوراخدیم هر کونجه
«وداع‌لار» بوراخدیم دایاناجاقلارا…
نه آختارارسان بیر سئودانین ایچینده
آرتیقلاماسییلا بوراخدیم آرخام‌دا.
منی گؤزل خاطیرلا…

دیزلریم‌ده یوخویا گئتدیینی دوشون
ساچینی اوخشادیغیمی، اوشویه‌ن اللرینی ایسیتدییمی دوشون.
سئوینج‌لی اولدوغون آنلاری گتیر گؤزونون اؤنونه
آلنیندان اؤپدویوم دقیقه‌لری،
بیر آزدان قاپینی دؤیجییمی دوشون،
تعجوبلندیرمیی سئویرم بیلیرسن
بودا سنه سون سورپریزیم اولسون…

ایندی سنینله یاشانان گونلری آتشه وئریرم،
منی گؤزل خاطیرلا
گئدیرم…»