منیم مکتوبلاریم سنه روحومون احتیاجی اولاراق یازیلاجاقدیر. اونا گؤره ده آرا-سیرا سنه وئردییم سؤزو پوزموش اولسام، اینجیمه، وفاسیزلیق ظن ائتمه...

Axar.az خبر وئریر کی، بو سؤزلر خالق یازیچی‌سی میرزه ابراهیمووون حیات یولداشی سارا خانیما یازدیغی مکتوبداندیر. میرزه ابراهیموو مکتوبلاریندا خالق شاعری صمد وورغونلا مناسیبتلریندن ده بحث ائدیب:

"منیم سارام، پاک و تمیز سارام!

"اورک بیر خزینه‌دیر، او ائله بیر خزینه‌دیر کی، نه ساتیلار، نه ده ساتین آلینار. او آنجاق هاوایی وئریلیر، باغیشلانیر. (فلوبئر)".

...بو گون بوتون گونوم آغیر دوشونجه‌لرله دولو اولموشدور. اولا، سیزین کیسلووودسکی‌ده پیس قارشیلاندیغینیزی ائشیتدیکده چوخ پیس اولدوم. اینسانلارین یاغلی دیللری آدامین زهله‌سینی تؤکور. بیر آز بوندان قاباق اوز بوتون وضعیتی منه نقل ائتدی. حتی صمد وورغون - منیم صمیمیت و دوستلوغونا بو قدر ایناندیغیم صمد وورغون بؤیله سیزی قارشیلاماغا دا گلممیشدیر. حیاتیم بویو منیمله بؤیله شیلرین (و بوندان داها دهشتلی شیلرین) شاهدی اولدوغوم حال‌دا، یئنه ده اوشاقجاسینا حقیقی ایده‌آل دوستلوغا ایناندیغیم اوچون من آخماق دئییلم‌می؟ قوی بئله اولسون. صاف قلب و یاخشی خیال بیزی چوخ شیلردن مدافعه ائدیر".

میرزه ابراهیموو باشقا بیر مکتوبوندا خالق شاعری صمد وورغونو یوکسک قیمتلندیریر:

"قلبیم، روحوم، گؤزل سارام!

بو گون ایشده‌ن گله‌رک یاتمیشدیم. سنین تکلیفلرینی گتیردیلر. منیم صحتیمی سوروشورسان. قیدیمه قالماغین منی چوخ شاد ائتدی. لاکین یئنه ده من اؤزومو سؤیمه‌یه باشلادیم. من کیچیک بیر باشآ غریسینی بؤیله سنه یازماقلا گؤر سنی نه قدر ناراحات ائتمیشه‌م. گؤرورسن کی، من نه قدر دوشونولممیش حرکت ائدیره‌م. تلگرام ووراجاغام و بو مکتوبو یولا سالاجاغام.

...ایندی ایسه گئدیرم. یاخین گونلرده کیسلووودسکییه گله‌جه‌یه‌م. جمالین باشی سیسییایا قاریشیب. تئزلیکله حل اولونار.

صمدله بیر آز دالاشدیق و یئنه باریشدیق. آخی، او، غیری-عادی و بؤیوک بیر تالانتدیر. هرگاه بیزده یاخشی قابیلیت وارسا، او، دوغرودان دا تالانتدیر. او، تپه‌دن-دیرناغا حس‌دیر، دویغودور. بونا گؤره ده حقیقی صنتکاردیر. بونون اوچون من اونو سئویر و اوز-اوزه گلدیکده هر هانکی بیر آجیغی اونا باغیشلاییرام.

اوشاقلارا، آنایا، نیگارا (نیگار رفیبیلی - رئد.) سلام، ساراجان. سنی منیم احتیرامیملا اؤپوره‌م... سنین میرزه‌ن".

قید ائدک کی، خالق یازیچیسی میرزه ابراهیموو ۱۹۱۱-جی ایل اوکتیابرین ۲۸-ده جنوبی آذربایجانین سراب شهری یاخینلیغینداکی ایوه کندینده ردوغولوب و ۱۷ دکابر ۱۹۹۳-جو ایلده باکی‌دا وفات ائدیب.