«یوکسک-یوکسک تپه‌لره ائو قورماسینلار" کیمی تانینان، آذربایجان‌دا دا خینا مراسیملرین‌ده سسله‌ن‌دیریله‌ن موسیقی اثرینین مالکارا کندلرین‌ده یاراندیغی سؤیلنیلیر ماهنین فیلملره مؤوضو اولاجاق، کدرلی بیر حکایه‌سی وار.

Kult.az همین حکایه‌نی تقدیم ائدیر:

دئییلنه گؤره، قدیم زمانلاردا کندلرین بیرینده زینب آدیندا چوخ گؤزل بیر قیز اولوب. ۱۶ یاشی یئنی تمام اولان زینبی کندلرینده اولان بیر توی مجلیسینده علی آدلی گنج گؤرور و چوخ بینیر. توی بیتدیکدن سونرا ائولرینه دؤنن علی قیسا زماندا ائلچیلرینی گؤندریر. زینبی علی‌یه وئریرلر. جوتلویون تئزلیکله تویلاری اولور و زینب آتا ائویندن گلین کؤچور. اونون گلین گئتدیی کند اولدوقجا اوزاقدا یئرلشیردی. کندلر آراسیندا اوچ گون، اوچ گئجه‌لیک مسافه وار ایدی. زینب آتا-آناسینی ،باجی-قارداشینی دوز ۷ ایل گؤره بیلمیر. بو حسرت اونون اوریینده هر گون داها دا بؤیویرک دؤزولمز بیر حال آلیر. کندین هوندور تپه‌سینده یئرلشن ائوینین باغچاسینا چیخاراق اؤز کندلرینه دوغرو باخیب ایچین – ایچین آغلایار، دوداقلارلارینین آراسیندا بو ماهنینی زمزمه ائدردی.
زئینبین چکدیی حسرته اری لاقید یاناشار، حتی اونا اذیت وئرمه‌یه ده باشلایار. سوندا اوزون ایللر ییغیلان حسرت، نسگل زینبین خسته‌لنرک یاتاقلارا دوشمسی ایله نتیجه‌لنر.

گونلر کئچر و زینبین خسته‌لیی گئتدیکجه آغیرلاشار. کندین آغساققاللاری زینبین دوزلمه‌سی اوچون آتا –آناسینین چاغیریلماسینی مصلحت گؤررلر. باشقا چاره‌سی قالمادیغینی آنلایان اری آتینی مینیر و زینبین والدینلرینه خبر وئرمه‌یه گئدیر. بوندان ۶ گون-۶ گئجه کئچدیکدن سونرا خسته یاتاغیندا سون گونلرینی کئچیرن زینبین آتا-آناسی کنده چاتیر. خسته یاتاغیندا الدن دوشموش وضعیتده یاتان زینب هله ده تورکوسونو زمزمه ائدیردی. آتا-آناسی دا اونا قوشولاراق بو ماهنینی سؤیله‌مه‌یه باشلایارلار. اطرافداکی بوتون کند قادینلاری تأثیرلنرک آغلایار. قیزینی بو وضعیتده گؤرن آناسینین حالی پیسلشیر. آتا-آناسینی گؤرن زینب ایسه چوخ سئوینر. لاکن آرتیق اولدوقجا گئج ایدی. هوشونو ایتیرن زینب بیر داها اؤزونه گلمیر و گؤزلرینی ابدی اولاراق یومور.

اونون سون نفسینه کیمین زمزمه ائتدیی ماهنی ایسه گلین کؤچه‌ن بوتون قیزلارین آتا ائوینه وداع ماهنی‌سینا چئوریلر…

یوکسک یوکسک تپه‌لره ائو کورماسینلار،

آشری-آشری مملکته کیز وئرمسینلر،

آننه‌سینین بیر تانه‌سینی خور گؤرمسینلر،

اوچان دا کوشلارا مالوم اولسون بن آننمی اؤزلدیم،

هم آننمی هم بابامی هم کؤیومو اؤزلدیم.

بابامین بیر آتی اولسا بینسه ده گلسه،

آننمین یلکنی اولسا اوچسا دا گلسه،

کاردشلریم یوللاری بیلسه ده گئلسه،

اوچان دا کوشلارا مالوم اولسون بن آننمی اؤزلدیم،

هم آننمی هم بابامی هم کؤیومو اؤزلدیم.