«صدا» ماهنی یاریشیندا اشتراک ائتدیم و فخر ائدیره‌م کی، محض «ساری گلین» ماهنی‌سینی اوخودوم.

بو سؤزلری Kult.az-آ گونئی‌لی مغننی رضا خاتمی‌نییا بیر نئچه گوندور سوسیال پلاتفورمالاردا گئنیش یاییلان «ساری گلین» ایفاسی ایله باغلی دانیشارکه‌ن دئییب.

اونون سؤزلرینه گؤره، ایفانین هامی طرفیندن سئویلمه‌سینه سبب ماهنینی فرقلی اوخوماسی اولوب:

«پئشه‌کار موسیقی تحصیلیم وار. بیر نئچه اوستاد خاننده‌دن درس آلمیشام. ائله «ساری گلین» ماهنی‌سینی اوخوماغی دا منه اوستادیم حسن مهدی اعتباری مصلحت گؤردو. من ده اونون مصلحتینه قولاق آسدیم و پشمان اولمادیم. فرقلی اوخودوم، اونا گؤره ایفام بینیلدی».

موغه‌ننی ایفاسینین تماشاچیلار طرفیندن سئوینجله قارشیلانماسینا دا مناسیبت بیلدیریب:

«من یاریشمانین فینالینا کیمی گلیب چیخمیشام. فینالدا اوخودوغوم ایفانی اینسانلار اوللر ده ائشیدیبلر. منیم طرزیمی و ایفامی ایستر مسابیقه اشتراکچیلاری، ایسترسه ده زالدا اوتورانلار چوخ بیندیلر. ماهنی چوخ یاخشیدیر، دینله‌یه‌ن ذوق آلیر. ائله اورادا اولان اینسانلار دا بو ماهنینی منیمله بیرگه اوخودولار. حساب ائدیره‌م کی، آذربایجان ماهنی‌سینی اورکدن اوخودوغوم اوچون بئله رغبت قازاندیم».

قید ائدک کی، گونئیلی موغه‌ننینین سس یاریشماسیندا «ساری گلین»ی اوخودوغو ویدئو بیر نئچه گوندور سوسیال پلاتفورمالاردا بؤیوک ماراقلا قارشیلانیب.