رژیسور آصیف روستمووون «مرمر سویوغو» بدیعی فیلمی یونانیستان‌دا کئچیریلن ۵-جی بین‌الخالق کیمولوس فیلم فستیوالینین «قیزیل آغاج» مکافاتینا لاییق گؤرولوب.

Kult.az خبر وئریر کی، مدنیت ناظیرلیینین دستیی ایله «آذربایجان فیلم» کینوستودییاسی، اجتماعی تلویزییا، باکی مئدیا مرکزی و فرانسانین «آریزونا» کینو شیرکتینین بیرگه ایستحصالی ائتدیی فیلمین باش پرودوسری آرزو علیئوا، سناری مؤلفلری آصیف روستموو و رولوف ژان مینبوو، اوپراتورلاری اوکتای نمازوو و عادل عباسوو، رسامی رافیق نصیروو، پرودوسرلر فاریض احمدوو، اورمان علیئو و گویللاومی دسیللی، کریاتیو پرودوسری ایراده باقرزاده‌دیر.

اوغورسوز رسام و سوگیلی‌سینین قاریشیق مناسیبتلریندن بحث ائد‌ن فیلمده اساس روللاردا ائلشن عسگروو، ناتوان عباس‌لی و قربان اسماییلوو چکیلیبلر.

قید ائدک کی، «مرمر سویوغو» اؤتن ایل تاللینن «قارا گئجه‌لر» فیلم فستیوالین‌دا «ان یاخشی آکتیور»، آلماتی شهرینده کئچیریلن ۱۶-جی آوراسییا بین‌الخالق فیلم فستیوالین‌دا «ان یاخشی رژیسور» نومیناسییالاریندا مکافاتلارا، بو ایل ایسه فرانسانین وسوول شهرینده ۲۹-جو آسییا فیلملری بین‌الخالق فستیوالین‌دا (فستیوال اینترناشنال دس سینماس دآسیه) ژورینین اساس مکافاتینا لاییق گؤرولوب.