آذربایجان رسپوبلیکاسینین غیرحکومت تشکیلاتلارینا دولت دستیی آگنتلیینین مالیه دستیی ایله «تورک دنیاسی اینفو» اجتماعی بیرلیی «ادبیاتدا جنوبی آذربایجان گؤروشلری - آدلی تدبیرلرین تشکیلی» لایحه‌سینین اجراسینا باشلاییب.

Kult.az بیلدیریر کی، ۳ آی مدتینه اجرا اولوناجاق لایحه‌نین ایدئیاسینین اساسینی پرزیدنت ایلهام علیئوین سمرقندده کئچیریلن تورک دولتلری تشکیلاتینین ۹-جو زیروه گؤروشونده اؤلکه‌میزدن کناردا یاشایان سویداشلاریمیزین حقوقلارینا دائر سؤیلدیی تزیسلر تشکیل ائدیر.

بیرلیین صدری دیانت عثمانلی لاییحه‌نین مقصدی و آکتواللیغی باره‌ده قید ائدیب کی، بو گون جنوبی آذربایجانداکی سویداشلاریمیزین دیل، تحصیل کیمی پروبلملری دولتیمیزین ماراق دایره‌سینده داها جدی یئر توتور.بو دا مستقل آذربایجانین اؤز میللتینه صاحبلیک حسی‌ندن ایر‌لی گلیر.

لایحه چرچیوه‌سینده وطنیمیزین جنوبوندا و شمالیندا یارانان یئنی روحلو ملی-آکتوال موضوع‌لو شعرلردن عبارت «چاغداش بوتؤو آذربایجان پوئزیاسی» آدلی آنتولوگیا حاضرلانماسی نظرده توتولور.

لایحه‌نین یکونوندا ایسه «ادبیاتدا جنوبی آذربایجان گؤروشلری» آدلی تدبیر و «چاغداش بوتؤو آذربایجان پوئزیاسی» کتابینین تقدیماتی کئچیریلجک.