کنسرته حاضیرلاشیریق. واحید علیپورون دیریژورلوغو ایله «آلنام» اورکستری و ایکی سولیست تاماشاچیلار قارشیسیندا چیخیش ائد‌جک.

بو سؤزلری Kult.az-آ گونئیلی خواننده مجید عصری فرقلی فورمادا تقدیم ائدجیی کنسرت پروگرامی حاقیندا دانیشارکن دئییب.

بیلدیریب کی، کنسرت ایولون ۱۶-دا باش توتاجاق.

«منیمله بیرگه یاشار احمدی ده سولیست اولاراق چیخیش ائد‌جک. یاشار ماهنی ژانریندا، من ایسه مغام اوخویاجام. فورمات ایرانلی تاماشاچیلار اوچون سورپریز اولاجاق. چونکی مغام خواننده‌لری آز حاللاردا اورکسترله چیخیش ائدیر. فرقلی اولسون ایستدیم».

او، کنسرتین کئچیریلجیی یئر حاقین‌دا دا دانیشیب:

«کنسرتین باش توتاجاغی تالار وحدت سالونو بؤیوک مکاندیر. ان محتشم یئرلردن بیری حساب اولونور. بورادا اوستاد شجریان، عالیم قاسیموو، آغاخان عبدوللایئو کیمی صنعتکارلار کنسرت وئریب. بیز ده اورکسترله بیرگه چیخیش ائدیب، بو بؤیوک سالونو دولدورماق نیتیندییک».

مجید عصرینین بیلدیردیینه گؤره، بیلتلر آرتیق ساتیشا چیخاریلیب:

«کنسرتله ماراقلانانلار چوخدور. باخمایاراق کی، بیلتلر بیر نئچه گوندور ساتیشا چیخیب، دئمک اولار کی، چوخو ساتیلیب. حتی دئیردیم یئرلریمیز محدود سایدا قالیب».