گونئی آذربایجانلا باغلی تانینمیش آراشدیرماجی، آمئا-نین داسنتی، فیلولوگیا علملر دوکتورو پروانه ممدلیلینین «گونئی آذربایجان مطبوعاتی تاریخی» مونوگرافیاسی ایسوچده «دیکتونیوس تخت» نشریاتیندا چاپدان چیخیب.

Kult.az خبر وئریر کی، بو کتابدا ۱۹-جو عصرین بیرینجی یاریسیندان معاصر دؤوروموزه‌دک ایراندا و اوندان کناردا یاشایان آذربایجانلی ضیالیلارین ادبی-اجتماعی فعالیتیندن، اونلارین نشر ائتدیکلری چئشیدلی مطبوعات ارگانلاریندان گئنیش بحث اولونور.

بو ماراقلی تدقیقات اثری گونئی آذربایجاندا مطبوعات تاریخی حاقیندا سیستملی معلومات بازاسی یاراتماق مقصدیله یازیلیب و بو ساحه‌ده ایلک تشبوثدور. کتاب ۸ بؤلومدن عبارتدیر. همین بؤلوملر کتابین چوخ زنگین بیر دؤورو احاطه ائتدیینی تصدیقلییر.

کتابدا ایندیه‌دک گونئی مطبوعاتی ایله باغلی بیر چوخ مسئله‌لره آیدینلیق گتیریلیب، گلجکده بو ساحه‌ده آپاریلاجاق آراشدیرمالار اوچون علمی-متودولوژی استقامتین معینلشدیرلمه‌سینه چالیشیلیب.

قید ائدک کی، «جنوبی آذربایجان مطبوعاتی تاریخی» کتابی علم و تحصیل ناظرلیی طرفیندن تصدیقلنیب باکی‌دا چاپ اولونوب (۲۰۰۹، «علم»). آذربایجان اونیورسیتتلرینده درس وسائطی کیمی کئچیریلیر.