یارانما تاریخی ۱۹۷۰-۱۹۷۵-جی ایللره تصادف ائدیله‌ن «لاله‌لر» ماهنی‌سی آذربایجان موسیقی صنعتینین ان سئویله‌ن و یادداقالان نومونه‌لرین‌دن بیری‌دیر.

Kult.az خبر وئریر کی، «لاله‌لر» ماهنی‌سینین سؤزلری شاعر آسلان آسلانووا، موسیقی‌سی ایسه بستکار تلمان حاجییئوا عاییددیر.

ماهنینین یارانماسی ایله باغلی مختلیف وئرسییالار موجوددور. دئییلنه گؤره، شاعر آسلان آسلانوو گنجه‌ده اولارکه‌ن، داغ اتیینده هر طرفین لاله‌لرله دولو اولدوغونو گؤرور و بوندان ایلهاما گله‌رک «لاله‌لر» آدلی شعیرینی یازیر. سونرا ایسه شعیری تلمان حاجییئوه وئریر کی، او، موسیقی بسته‌له‌سین.

دیگر وئرسییایا اساساً، «لاله‌لر» ماهنی‌سی ۱۹۱۸-جی ایلده آذربایجانا گلن تورک اوردوسونا حصر اولونوب. ماهنی نورو پاشانین کماندانلیق ائتدیی قفقاز ایسلام اوردوسونون گنجه‌دن باکییا گلن و شهری خلاص ائد‌ن عسگرلرینه عاییددیر. نورو پاشا مای آییندا گنجه‌یه گیررکه‌ن مینلرله عسگرین باشلاریندا فس، فسین اوجوندا ایسه ساچاقلار وار ایدی. احتیمال ائدیلیر کی، شاعر فس‌لری لاله‌یه بنزتدیینه گؤره بئله بیر شعیر یازیر.

«نه واخت‌دیر باکینین گؤزو یولدادیر

بیر قوناق گله‌سیز بیزه، لاله‌لر…»

بو سطیرلر ایسه، دئیی‌لنه گؤره، باکینین قفقاز اسلام اوردوسو طرفیندن خلاص ائدیلمه‌سینه حصر اولونوب.

«لاله‌لر» ماهنی‌سینین ایفاچیلاریندان بیری رشید بهبودوو اولوب. رشید بهبودوو آدینا فوندون رهبری کامیل شاهوئردیئو بو ماهنی حاقدا بئله دئییب:

«…تورک اوردوسو آذربایجانا گلنده اونلارا اینسانلار طرفیندن ائل ماهنیسی حصر اولونوب. سونرادان آسلان آسلانوو بیر قدر دوزلیش ائدیب و بو ماهنینی عرصه‌یه گتیریب. اوزون مدت هامی بونو گنجه‌یه، گوله-چیچه‌یه حصر اولونموش ماهنی کیمی تانیییب. چونکی اس.اس.ار.ای زامانیندا هئچ کیم آچیب دئیه بیلمیردی. ماهنینین سون مصراعسیندا باکی سؤزو دییشدیریلیب، «نه واختدیر رشیدین گؤزو یولدادیر» فورماسیندا اوخونوب. سوویت واختی آخی بونو کیم دیلینه گتیره بیلردی؟!…».

ماهنینی رقص کیمی ایلک دفعه امکدار آرتیست رزا جلیلووا ایفا ائدیب. همچینین، ماهنینی زینب خانلارووا، ادریس مهدیئو کیمی موغه‌ننیلر ده ایفا ائدیبلر.

آذربایجانین خالق آرتیستی، سئویم‌لی موغه‌ننیمیز رشید بهبودووون ایفاسین‌دا «لاله‌لر» ماهنی‌سینی تقدیم ائدیریک: