بیرینجی دونیا محاربه‌سی دؤورونده ارمنیلرین اورمییا، سالماس و خوی شهرلرینده تؤرتدیکلری سویقیریمدان بحث ائد‌ن ۷۵ دقیقه‌لیک «جیلوولوق» سندلی فیلمینین چکیلیشلری باشا چاتیب.

Kult.az خبر وئریر کی، بو سؤزلری گونئی آذربایجان‌لی رژیسور رضا سیامی دئییب.

"سندلی فیلمین مؤوضوسونون تدقیقی اورمییالی تاریخچی عالیم توحید ملیکزاده طرفیندن آپاریلیب و رژیسورلوغو منه حواله ائدیلیب. فیلم ۴ ایل ایران، آذربایجان و تورکییه‌ده جیلوولوق قیرغینی ایله باغلی آختاریش-تدقیقات ایشلری آپاریلدیقدان سونرا ۲۰۲۲-جی ایلین یاییندا اورمییا، سالماس، خوی و تبریز بؤلگه‌لرین‌ده لنته آلینیب"، -سیامی بیلدیریب.

او بیلدیریب کی، فیلم سون مرحله‌ده‌دیر:

«یاخین واختلاردا تنقیدچیلرین و متخصصلرین تصدیقی اوچون اؤزل اولاراق نماییش ائتدیریله‌جک. سندلی فیلم تصدیق ائدیلدیکدن و یاییم اجازه‌سی آلیندیق‌دان سونرا داخیلی رقمسال پلاتفورمالاردا اجتیماعیته نماییش اولوناجاق»

او، سندلی فیلمین ایرانلا یاناشی، تورکییه‌نین «ت.ر.ت»، آذربایجان رسپوبلیکاسینین «آذ.تی.وی» تلکاناللاریندا دا یاییملاناجاغینی دئییب.